Республикæ Хуссар Ирыстоны Президенты Барамынд

«Республикæ Хуссар Ирыстоны уæлдæр ахуырады ахуырадон организациты студенттæн æмæ профессионалон ахуырадон организациты студенттæн Республикæ Хуссар Ирыстоны Президенты стипендиты тыххæй»

Республикæ Хуссар Ирыстоны курдиатджын фæсивæды разæнгард кæныны æмæ Республикæ Хуссар Ирыстоны уæлдæр ахуырадон организациты студенттæн æмæ профессионалон ахуырадон организациты студенттæн паддзахадон æххуыс фæтыхджындæр кæныны нысæнттæн уынаффæ кæнын:

1. 2018 азы 1 сентябрæй фидар æрцæуæд Республикæ Хуссар Ирыстоны Президенты стипенди Республикæ Хуссар Ирыстоны уæлдæр ахуырады ахуырадон организациты студенттæ æмæ профессионалон ахуырадон организациты студенттæн, кæцытæ ахуыр кæнынц бонæй, равдыстой стыр æвзыгъддзи-нæдтæ ахуырадон æмæ зонадон архайды, куыд ахуыры курсы иумæйагæй сисгæйæ, афтæ хицæн дисциплинæты дæр.

1.1. Фидар æрцæуæд Республикæ Хуссар Ирыстоны Президенты 14 стипендийы Тыбылты Алыксандры номыл Хуссар Ирыстоны паддзахадон университеты студенттæн æрвылмæй дæр 7000 сомы бæрцæй, уыцы нымæцы:

а) 3 стипендийы – ирон филологи æмæ райдиан ахуырады педагогикæ æмæ методикæйы факультеты студенттæн.

б) 3 стипендийы – уырыссаг филологи, журналистикæ æмæ фæсарæйнаг æвзæгты факультеты студенттæн.

1.2. Фидар æрцæуæд Республикæ Хуссар Ирыстоны Президенты 5 стипендийы «Цхинвалы бирæпрофилон колледжы» студенттæн æрвылмæй дæр 3000 сомы бæрцæй.

1.3. Фидар æрцæуæд Республикæ Хуссар Ирыстоны Президенты 2 стипендийы Тугъанты Махарбеджы номыл нывгæнæн ахуыргæнæндоны студенттæн æрвылмæй дæр 3000 сомы бæрцæй.

1.4. Фидар æрцæуæд Республикæ Хуссар Ирыстоны Президенты 2 стипендийы Карсанты В. Н.-йы номыл Цхинвалы медицинон ахуыргæнæндоны ахуыргæнинæгтæн æрвылмæй дæр 3000 сомы бæрцæй.

1.5. Фидар æрцæуæд Республикæ Хуссар Ирыстоны Президенты 2 стипендийы Цхинвалы музыкалон ахуыргæнæндоны студенттæн æрвылмæй дæр 3000 сомы бæрцæй.

2. Фидар æрцæуæд, цæмæй ацы Барамындæй снысангонд Республикæ Хуссар Ирыстоны Президенты стипендитæ фыст цæуой Республикæ Хуссар Ирыстоны Хицауады сбæлвырдгонд фæткмæ гæсгæ.
3. Республикæ Хуссар Ирыстоны Хицауад:

а) 3 мæйы æмгъуыдмæ бакусæт æмæ сфидар кæнæт Республикæ Хуссар Ирыстоны Президенты стипендитæ снысан кæнын æмæ фидыны фæтк, кæцы-тæ бæлвырд сты ацы Барамынды 1.1., 1.2., 1.3., 1.4., æмæ 1.5. пунктты.

б) Республикæ Хуссар Ирыстоны Президенты стипендитæ, кæцытæ бæлвырд сты ацы Барамынды 1.1., 1.2., 1.3., 1.4., æмæ 1.5. пунктты, фидыны финансон хæрдзтæ ифтонг цæуæт Республикæ Хуссар Ирыстоны Президенты резервон фондæй.

в) Сæ актты æркæнæт ацы Барамындмæ гæсгæ.

4. Ацы Барамынд йæ тыхы цæуы къух ыл æрфыссыны бо-нæй.

Республикæ Хуссар Ирыстоны Президент Бибылты Анатоли

г. Цхинвал, 2018 азы 16 май