Ныр æртæ къуырийы дæргъы милицийы фæндагон змæлды æдасдзинады управленийы нал дæттынц автотранспортæн паддзахадон номыртæ æмæ ма авторанспорты регистрацийы æвдисæндартæ. Ацы хуызы паддзахадон лæггæдтæ не ‘мбæстæгтæн сты æнæмæнгхъæуæг æмæ бирæтæ райдыдтой тыхсын, уымæн æмæ сын фадат нал ис сæ машинæты сæхиуыл сфидар кæнынæн. Раздæры фæсауæрцтæй ма сæм баззадис паддзахадон номыртæ, фæлæ уыдон æнæ регистрацион æвдисæндарæй никæйы хъæуынц.
Ацы проблемæйы сæйраг аххосæгтæ сты, – РХИ-йы Парламент 2021 азæн бюджет æрæгмæ кæй райста æмæ коронавирусы эпидеми. Ӕхцайы фæрæзтæ афоныл кæй нæ фæхæццæ сты Мидхъуыддæгты министрадмæ, уый фæстиуæгæн заказ рæстæгыл арæзт не ‘рцыд, æмæ ацы документтæ та аразынц Уæрæсейы Федерацийы. Коронавирусы аххосæй Уæрæсейы дæр сæ бон нал бацис цыбыр æмгъуыдмæ заказ сæххæст кæнын.
Ныридæгæн хъуыддаг аскъуыддзаг æмæ 15 апрелæй фæстæмæ райдайдзысты дæттын не ‘мбæстæгтæн æппæт хъæугæ документтæ.
ДЖИОТЫ Александр
Comments are closed, but trackbacks and pingbacks are open.