Куыд зонæм, афтæмæй Уæрæсейы Федерацийы Паддзахадон Думæйы депутат, дунейы фыццаг сылгоймаг-космонавт Валентина Терешкова фæндон бахаста УФ президентон æмгъуыд сисыны нысанæн Конституцимæ барасткæнинæгтæ бахæссыны тыххæй, цæмæй ныры Президентæн, ома, Владимир Путинæн, 2024 азы президентон æвзæрстыты хайад райсыны бар уа.
Ацы фæндон депутат куыд бамбарын кодта, афтæмæй уый æнæмæнгхъæуæг у, цæмæй УФ æййафа дунейы бæрзонд динамикæйы.
«Хъæппæрисмæ развæлгъау цæсгомджын æмæ æргомæй æркæсыны фæстæ бынтондæр сисын хъæуы президентон æмгъуыдты нымæц», – бамбарын кодта Валентина Терешкова.
Паддзахадон Думæйы депутаттæ рахæцыдысты Терешковайы ацы хъæппæрисы фарс, кæцы дзурæг у Президент Владимир Путинæн ноджыдæр президентон æвзæрстыты хайад райсыны бар радтыны тыххæй барасткæнинаг Уæрæсейы Конституцимæ бахæссыныл. Ацы барасткæнинаг йæ тыхы куы бацæуа, уæд президенты æмгъуыд ист æрцæудзæн.
УФ Конституцимæ барасткæнинæгтæ дыккаг бакастæй райсыны хæдразмæ сыл развæлгъау æруынаффæ кæныны сæраппонд Президент Паддзахадон Думæмæ куы бацыд, уæд фехъусын кодта, зæгъгæ, радон президентон æвзæрстыты хайад райсыны вариантæн уæвæн ис, Конституцион тæрхондон барасткæнина-джы фарс куы рахæца æмæ паддзахады Сæйраг закъоны ныхмæ кæй нæу, уый куы бафидар кæна, уыимæ иумæ ма 22 апрелы УФ Конституцимæ барасткæнинæгты тыххæй паддзахады цæрджытæ хъæлæс куы радтой, æрмæстдæр уæд.
Comments are closed, but trackbacks and pingbacks are open.