2018-2019 ахуыры азмæ республикæйы скъолатæ куыд цæттæ сты, уый тыххæй Хицауады Сæрдар Пухаты Эрикæн фехъусын кодта Ахуырад æмæ зонады министры хæдивæг Лолаты Аслан.
Йæ ныхæстæм гæсгæ, ацы аз фылдæр у, скъоламæ цы сывæллæттæ хъуамæ бацæуой, уыдоны нымæц.
«Республикæйы фесты ахуыргæнæн уагдæтты ног ахуыры азмæ цæттæгæнæн куыстытæ. Кæд кæронмæ бæрæг нæу, уæддæр ацы аз фыццаг къласмæ бацæудзысты 833 ахуырдзауы, уый фароны азимæ абаргæйæ у фылдæр. Æдæппæт республикæйы скъолаты 1-æм къласæй 11-æм къласмæ ахуыр кæнынц 6610 сывæллоны, ацы нымæц 2015 азимæ абаргæйæ сырæзт цалдæр сæдæйы бæрц», – фехъусын кодта министры хæдивæг æмæ ма йæ ныхасмæ бафтыдта, зæгъгæ, скъуыддзаг æрцыд æппæт кълæсты дæр ахуыргæнинæгты ахуыргæнæн чингуытæй сифтонг кæныны фарст.
Уымæй дарддæр ма уый банысан кодта, зæгъгæ, Цхинвалы æмæ республикæйы районты иумиагахуырадон скъолаты иууылдæр ауагъдæуыд цалцæггæнæн куыстытæ.
Стыр гуырахсты куыстытæ бакондæуыд 2-æм астæуккаг скъолайы, цыран цалцæг æрцыдысты къластæн кабинеттæ 3, чызджыты фæллойы кабинет фыццаг уæладзыджы хъармгæнæн системæимæ. 6-æм æмæ 9-æм астæуккаг скъолаты ивд æрцыдысты мидæггагон канализацион коммуникацитæ, æддаг канализацийы хæтæлтæ. 5-æм астæуккаг скъолайы дыккаг уæладзыджы арæзт æрцыд скъолайы музей. 10-æм астæуккаг скъолайы къæлидоры ивд æрцыдысты электротелтæ æмæ дзы баконд æрцыдысты рухсгæнæнтæ.
Районты скъолаты сæрдыгон улæфтыты рæстæджы скъуыддзаг кодтой ахсджиаг проблемæтæ, раивтой донуадзæн æмæ канализацион хызæгты, скъолаты бæстыхæйтты агъуыстытæ, сцалцæг кодтой кълæсты, фасадты…
Æдæппæт Хуссар Ирыстоны территорийыл ис 89 ахуырадон уагдоны, уыцы нымæцы скъолайы агъоммæ, астæуккаг, профессионалон, афтæ ма уæлæмхас ахуырады уагдæттæ æмæ уæлдæр ахуыргæнæндæттæ.
РХИ-йы Хицауады
пресс-службæ
Comments are closed, but trackbacks and pingbacks are open.