Пухаты Эрик бабæрæг кодта уынгты арæзтад

Республикæ Хуссар Ирыстоны Хицауады Сæрдар Пухаты Эрик базонгæ Цхинвалы уынгты хæрзарæзтады фæдыл куыстыты уавæримæ.

Хицауады сæргълæууæджы цымыдис кодтой арæзтады уавæртæ æмæ темп, æнæмæнгхъæуæг арæзтадон æрмæджытæ фаг кæнынц æви нæ. Фæндаг аразджытимæ уый уынаффæ кодта басгæрсты рæстæджы цы фарстатæ æмæ фиппианæгтæ сæвзæрд, уыдоныл, сæрмагондæй, уый бахæс кодта хицæн уынгтæй цæнджындзтæ æмæ бастдзинад ифтонггæнæн скъаппытæ айсын, кæцытæ хъыг дарынц цалцæгкæнæн куыстыты.

Бастдзинады кусджытæ уымæй размæ сдемонтаж кодтой, чи нал бæззы, бастдзинады уыцы ифтонгады иу хай æмæ ныфс бавæрдтой, иу къуырийы æмгъуыдмæ кæй айс-дзысты иннæты дæр.

«Арæзт цæуы нæ горæт, не столицæ, æмæ уым алцыдæр ахсджиаг у. Куысты алы фадыгмæ дæр хъуамæ хорз зæрдæ æмæ бæрндзинады ахаст дарæм. Уынгтæ хъуамæ уой хæрзвадат, рæсугъд, комфортон, куыд автомобилисттæн, афтæ фистæгæй цæуджытæн дæр», – банысан кодта Пухаты Эрик, æмæ загъта, зæгъгæ, фæндагон куыстыты график фæтагъддæр кæнын хъæуы, уымæн æмæ уый баст у боныгъæдыл, æмæ гæнæн ис æмæ февзæрдæр уа.

РХИ-йы Хицауады пресс-службæ

Ацы æрмæджытæ дæр бакæс:

Хицауады Сæрдар Пухаты Эрик бабæрæг кодта цæрæн хæдзæртты арæзтад Республикæйы районтæ: Куыд цæуынц арæзтадон куыстытæ? ПУХАТЫ Эрик: «Уынгты хæрзарæзтадмæ æрæвналын хъæуы, куыд гæнæн ис, афтæ тагъддæр» ПУХАТЫ Эрик: «Сæйраг у, цæмæй куыстытæ æххæст цæуой гъæдджынæй» Пухаты Эрик: «Хъæуы фарстытæ скъуыддзаг кæндзыстæм планонбæрцæй»