РХИ-йы Президент Бибылты Анатолийæн фембæлд уыд Уæрæсейы Аразджыты ассоциацийы президент Николай Кошманимæ.
Фембæлы ма хайад райстой Хуссар Ирыстоны областон комитеты раздæры фыццаг секретарь Санахъоты Феликс æмæ РХИ-йы Президенты Паддзахадон уынаффæгæнæг Пухаты Константин.
Хуссар Ирыстонмæ Николай Кошманы æрцыды нысан у республикæйы арæзтадон æмæ композитон æрмæджыты заводты арæзтады фæдыл къорд фæндæттæ æмæ фарстытыл æруынаффæ кæнын. Уый паддзахады сæргълæууæгæн радзырдта уæрæсейаг егъау заводты куысты спецификæйы тыххæй, кæцытæ кусынц арæзтадон æрмæджытæ уадзыныл ног бæрзондэкологон технологитæм гæсгæ. «Абон мах план кæнæм Уæрæсейы территорийыл газобетонон, фиброцементон плитæ, пеноавджы кондады фæдыл 43 заводы бæрц саразын. Ахæм проекттæ среализаци гæнæн ис Хуссар Ирыстоны дæр», – загъта Николай Кошман.
Йæ рады, Бибылты Анатоли банысан кодта ахæм проекты реализацийы перспективондзинад куыд экономон, афтæ бæрзондэкологон цæстæнгасмæ гæсгæ æмæ фæндон бахаста РХИ-йы Экономикон рæзты министрадимæ иумæ фарст сахуыр кæныны тыххæй.
«Хуссар Ирыстоны фадæттæ стыр сты. Проекттæ дæр хорз сты, мах сæм цымыдис кæнæм. Фæлæ хъæуы конкретикæмæ рахизын, банысангонд приоритеттæ хынцгæйæ, æмæ уый тыххæй та æнæмæнгхъæуæг у, цæмæй фарст сахуыр кæна Хуссар Ирыстоны Экономикон министрад», – банысан кодта Президент Бибылты Анатоли.
Comments are closed, but trackbacks and pingbacks are open.