РХИ-йы Президент Бибылты Анатоли фембæлд Уæрæсейы Федерацийы Æдас-дзинады советы секретары хæдивæг Рашид Нургалиевимæ, кæцы, егъау æхсæнведомствæйон къорды сæргъ лæугæйæ, æрцыд нæ республикæмæ.
Президент банысан кодта Нургалиевы стыр лæггæдтæ Хуссар Ирыстоны æдасдзинад фидардæр кæныны хъуыддаджы.
«Ды бирæ сарæзтай Хуссар Ирыстонæн, Уæрæсейы мидхъуыддæгты министр ма куы уыдтæ, уæд дæр Уæрæсейы Федераци æмæ Хуссар Ирыстоны ‘хсæн Сразыдзинад, афтæ ма Æдасдзинады советы хаххыл сразыдзинæдты реализаци кæныны фæлгæтты. Абон махæн нæ бон у иумæйаг æнтыстытыл цин кæнын. Мидхъуыддæгты министрады хаххыл махмæ кусы Информацион-координацион центр, кæцыйы нысаниуæгæн нырма хъæуы саргъ кæнын», – загъта уый.
Бæстæйы сæргълæууæг радзырдта Инвестпрограммæйы реализацийы тыххæй, кæцы, йæ ныхæстæм гæсгæ, бирæ фадæттæ дæтты социалон-экономикон къабазы рæзтæн, ивгъуыд аз уый кæй сæххæст 100 процентæй. Банысан кодта къорд фарсты, кæцытыл хъæуы æруынаффæ кæнын УФ-йы Æдасдзинады советы секретары хæдивæджы визиты фæлгæтты.
«Рауæрæхгонд æмбырды цы фарстатыл хъуамæ æруынаффæ кæнæм, уыдон хауынц техногенон æдасдзинадмæ, афтæ ма Зонкъары донæмбырдгæнæны æдасдзинадмæ дæр, кæцымæ сымах здахут лæмбынæг хъусдард. Ис ма æндæр фарстатæ дæр, кæцытæ хауынц арæнгæрон къабазы фæдыл æмархайдмæ, афтæ ма æндæр тыхон структурæты æмархайдмæ дæр», – банысан кодта Президент.
Рашид Нургалиев куыд загъта, афтæмæй, кæй сæргъ лæууы, уыцы æхсæнведомст-вæйон къорды сорганизацичындæуыд УФ-йы Президент Владимир Путинимæ Бибылты Анатолийы фембæлды фæстиуджытæм гæсгæ.
«Не ‘рцыд баст у, нæ бæстæйы президентимæ дын цы фембæлдтытæ уыдис, уыдонимæ. Цы фарстатыл дзырдтат, уыдон хауынц æндæр æмæ æндæр здæхтытæм, уыцы нымæцы Транскаммæ хауæг фарстатæм. Уымæ гæсгæ махимæ æрцыдысты Уæрæсейы Автодоры минæвæрттæ, кæцытæ цæттæ сты ситуаци бынаты сахуыр кæнынмæ æмæ нæ базонгæ кæндзысты уавæримæ дарддæр архайыны тыххæй. Къаддæр нысаниуæг нæй дыккаг фарстæн дæр, кæцы хауы республикæйы энергоифтонгадмæ», – банысан кодта Нургалиев.
Уый ма радзырдта, Хуссар Ирыстонмæ кæй æрцыдысты Уæрæсейы Федерацийы хъæууон хæдзарад æмæ æнæниздзинад хъахъхъæныны министрадты минæвæрттæ дæр.
«Æнæдызæрдыгæй, мах цымыдис кæнæм арæнгæрон районты хъæууон хæдзарады рæзтмæ. Ам немæ сты хъæууон хæдзарады министрады минæвæрттæ. Уымæй дарддæр ма махæн ахсджиаг къабаз у æнæниздзинад хъахъхъæнын. Ис хорз фæстиуджытæ Цхинвалы медицинæйы къабазы куысты фæдыл. Æнæниздзинад хъахъхъæныны министрады минæвæрттæ базонгæ уыдзысты фельдшерон-акушерон пунктты куыстимæ æмæ уый фæстæ сæ фæндæттæ зæгъдзысты арæн-гæрон зонæйы цæрджытæн фыццаг медицинон æххуыс кæныны фæдыл», – загъта Рашид Нургалиев.
Æхсæнведомствæйон къорд Хуссар Ирыстоны кусдзæн æртæ боны дæргъы æмæ уый фæстæ бакуыстæуыдзæн фæндæттыл нæ разылæууæг хæстæ аскъуыддзаг кæныны тыххæй.
Comments are closed, but trackbacks and pingbacks are open.