Республикæ Хуссар Ирыстоны Президент Бибылты Анатолийы цардæмбал Куымæридтаты Линдæйæн Сылгоймæгты æппæтдунеон бон 8-æм марты цытæн зæрдиаг ар-фæтæ ракодта Уæрæсейы Федерацийы Президент Владимир Путин. Уæрæсейы Федерацийы Президенты номæй арфæйы фыстæг æмæ дидинджыты баст Куымæридтаты Линдæйæн радта Республикæ Хуссар Ирыстоны Уæрæсейы Федерацийы Уæлвæткон æмæ Æххæстбарджын минæвар Марат Кулахметов.
Президенты арфæйы фыстæджы дзырдæуы:
«Ацы диссаджы, алкæмæн дæр уарзон бæрæгбон йемыдзаг у уалдзæджы хуыздæр хуызтæй, фæлыст у рæсугъд дидинджытæй, сылгоймæгты хъæлдзæг зæрдæйыуаг æмæ мидбылхудтæй. Сылгоймæгты фæрцы дунейыл уæвынад кæны хæлардзинад, тавынц æй уды хъарм æмæ рæсугъд фидыцæй».
Владимир Путины цæст Куымæридтаты Линдæйæн бауарзта æнæниздзинад, æнтыстытæ, фæрныгад æмæ бинонты амонд.
Марат Кулахметов ма Куымæридтаты Линдæйæн раарфæ кодта Уæрæсейы Федерацийы Хицауады Сæрдар Михаил Мишустины номæй дæр.
Куымæридтаты Линдæ стыр бузныджы ныхæстæ загъта ахæм зæрдиаг арфæты тыххæй æмæ йæхи номæй зæрдиаг арфæтæ ракодта Уæрæсейы æмæ Хуссар Ирыстоны æппæт сылгоймæгтæн.
Республикæ Хуссар Ирыстоны Президенты цардæмбал ма бæрæгбонон арфæйы телтæ райста Донецкы Адæмон Республикæйы Сæргълæууæг Денис Пушилин, Луганскы Адæмон Республикæйы Сæргълæууæг Леонид Пасечников æмæ æндæр зындгонд политикон, паддзахадон архайджытæй.
Comments are closed, but trackbacks and pingbacks are open.