ВЕДОМСТВОТЫ КУСДЖЫТЫ
Республикæ Хуссар Ирыстоны Президент Бибылты Анатоли схорзæхджын кодта ведомствоты кусджыты «Хуссар Ирыстоны адæмы Фыдыбæстæйон хæсты уæлахизыл 10 азы сæраппонд» майдантæй. Фыццаджыдæр ахæм æмбæстæгтæн, кæцытæ коммкомæ æххæст кæнынц, къухдариуæггæнджытæ сын сæ разы цы хæстæ æрæвæрынц, уыдоны.
Паддзахады сæргълæууæг банысан кодта, кæй хъæуы банысан кæнын къухдариуæггæнджыты лæггæдтæ дæр. Кæцыты фæрцы организациты æмæ ведомствоты цæуы æрвылбонон куыст æмæ æхсæнад тырны сæ разылæууæг хæстæ сæххæст кæнынмæ.
«Уæ лæггæдтæн æнæбанысангæнгæ нæй. Уæ организациты сымах куыстæн разамынд кæнут, иумæйагæй æххæст кæнут, адæм республикæйы къухдариуæгады раз цы хæстæ æвæры, уыдон. Сымахæн ис æнтыстытæ.
Мæ цæст уын уарзы дарддæры æнтыстытæ, кæцытæ здæхт сты Хуссар Ирыстоны алы æмбæстаджы фæрныгады рæзтмæ», – загъта Президент.
Хорзæхджын чи æрцыдысты, уыдоны ‘хсæн сты РХИ-йы Хицауады Сæрдар Пухаты Эрик, Парламенты Сæрдар Гасситы Петр, Æдасдзинады советы секретарь Уалыты Валери, Хъахъхъæнынады министр Гассеты Ибрагим, Контролон-нымайæн палатæйы Сæрдар Гæбæраты Геннади.
Республикæ Хуссар Ирыстоны Президенты пресс-службæ
ÆХСÆНАДОН ЗМÆЛДТЫТЫ АКТИВОН ХАЙАДИСДЖЫТЫ
Республикæ Хуссар Ирыстоны Президент Бибылты Анатоли схорзæхджын кодта 90 азты æхсæнадон змæлдтыты активон архайджыты.
«Хуссар Ирыстоны адæмы Фыдыбæстæйон хæсты уæлахизы 10 азы сæраппонд» майданæй хорзæхджын æрцыдысты Коцты Еленæ, Джиоты Евраз, Бæззаты Ольгæ, Гæбæраты Рая, Цоциты Зарæ, Болататы Руслан.
Бибылты Анатоли банысан кодта республикæйы иууыл зындæр рæстæджыты активистты сгуыхтдзинæдтæ.
«Мах алыхатт дæр бузныг стæм уæ активон æм-бæстагон позицийæ. Сымах, фæцæгæйдæр, равдыстат хъæбатырдзинад, уæ цард æмæ фæрныгад нывонд-кæнгæйæ, сымах радтат импульс æппæт адæмæн, сæ æрбаиу кæныны, сæрибар æмæ хæдбардзинады фæндаг сбæрæг кæныны сын æххуыс кæнгæйæ», – загъта Президент.
Comments are closed, but trackbacks and pingbacks are open.