Президент Бибылты Анатоли Паддзахадон æдасдзинады комитеты Сæрдары бынатмæ снысан кодта Олег Шираны. Афтæ ма уагъд æрцыд РХИ-йы Паддзахадон æдасдзинады комитеты афицерон скондæн ног сæргълæууæджы базонгæ кæныны церемони.

«Ахæм серьезон уагдон ма хъуамæ уа æнæ æдзух къухдариуæггæнæгæй æмæ абон æз мæ къух æрфыстон Паддзахадон æдасдзинады комитеты Сæрдарæй Ширан Олег Игоры фырты снысан кæныны тыххæй Барамындыл», – загъта Президент.

Уый бузныджы ныхæстæ загъта Паддзахадон æдасдзинады комитеты афицерон скондæн сæ бæрнджын куысты тыххæй æмæ ныфс бавæрдта, Паддзахадон æдасдзинады комитет ног сæрдары къухдариуæгадæй эффективон æгъдауæй кæй ифтонг кæндзæн республикæйы æдасдзинад.

Ширан Олег Игоры фырт каст фæцис Рязаны Ленинон Фæскомцæдисы Сырхтырысаджын уæлдæр уæлдæфон-десантон командон ахуыргæнæндон, уый фæстæ та – Уæрæсейы Федералон æдасдзинады службæйы академи. Службæ кодта Уæрæсейы Федералон æдасдзинады службæйы алыгъуызон оперативон æмæ къухдариуæггæнæг бынæтты.

РЕСПУБЛИКÆ ХУССАР ИРЫСТОНЫ ПРЕЗИДЕНТЫ БАРАМЫНД

Республикæ Хуссар Ирыстоны Паддзахадон æдасдзинады комитеты Сæрдары тыххæй

1. Булкъон Ширан Олег Игоры фырт нысан æрцæуæд Республикæ

Хуссар Ирыстоны Паддзахадон æдасдзинады комитеты Сæрдары бынатмæ.

2. Ацы Барамынд йæ тыхы цæуы къух ыл æрфыссыны бонæй.

Республикæ Хуссар Ирыстоны Президент БИБЫЛТЫ Анатоли

г. Цхинвал, 2019 азы 6 августы

Ацы æрмæджытæ дæр бакæс:

Бæрзонд хæссы ирон лæджы ном Зынгхуыст æфсымæртæ кæнæ та Остъаты хъайтартæ Паддзахадон Æдасдзинады комитеты кусджытæ банысан кодтой сæ профессионалон бæрæгбон Default ThumbnailОстъаты хъæбатыр æфсымæртæ Паддзахадон æдасдзинады комитет æнтыстджынæй æххæст кæны йæ разылæууæг хæстæ

Comments are closed, but trackbacks and pingbacks are open.