Мамсыраты Таймуразæн – УФ-йы Хъахъхъæнынады майдан
Сенатор Мамсыраты Таймураз хорзæхджын æрцыд УФ-йы Хъахъхъæнынады майдан «За вклад в укрепление обороны Российской Федерации»-йы майданæй. Æмбæлон бардзырдыл йæ къух æрфыста министр Сергей Шойгу. Уый размæ та Мамсырайы фыртæн саккаг кодтой Хъахъхъæнынады министрады майдан «Участнику военной операции в Сирии», зæгъгæ. Хъахъхъæнынады æмæ æдасдзинады комитеты уæнг Мамсыраты Таймураз Федерацийы Советы делегацийы сконды иу æмæ дыууæ хатты нæ уыд Сирийы уæрæсейаг æфсæдты базæты пунктты. Ацы аз марты мæйы Парламенты Уæлдæр палатæйы къухдариуæгады бахæсмæ гæсгæ бабæрæг кодта горæт Энергодары электростанц. Сæрмагонд æфсæддон операцийы зонæйы уæвгæйæ, бабæрæг кодта батальон «Шторм-Осетия»-йы ирон хæстонты позициты.
***
Хуссарирыстойнаг бархион Хъабанты Михаил Гаврилы фырт хорзæхджын æрцыд «Участник специальной Военной операции»-йы майданæй, сæрмагонд æфсæддон операцийы хъæбатырдзинад кæй равдыста, уый тыххæй.
***
Цæгат Ирыстон-Аланийы Горæтгæрон районы Сунжæйы хъæуккæгтæ Джиголаты Темур Хазбийы фырт æмæ Гæджиты Аслан Станиславы фырт хорзæхджын æрцыдысты Жуковы майдантæй сæрмагонд æфсæддон операцийы хæстон архайдтыты рæстæджы æхсардзинад æмæ удуæлдайдзинад равдисыны тыххæй. Уыдон фыццаг бонтæй фæстæмæ хайад исынц сæрмагонд æфсæддон операцийы. Карз тохты рæстæджы фæцæфтæ сты, фæлæ та æрбаздæхтысты фæстæмæ.
***
Лазарты Георги Юрийы фырт Уæрæсейы Федерацийы хъахъхъæнынады министры барамындæй хорзæхджын æрцыд 2-аг къæпхæны «За воинскую доблесть»-ы майданæй сæрмагонд æфсæддон операцийы хæстон архайдтыты рæстæджы удуæлдайдзинад равдисыны тыххæй.
***
РЦИ-Аланийы Æрыдоны цæрæг Оситы Альберт Маирбеджы фыртæн (йæ фæсномыг Док) саккаг кодтой «Участнику СВО»-йы майдан. Уагæвæрдмæ гæсгæ ацы майданæй хорзæхджын цæуынц Уæрæсейы Федерацийы Гарзджын тыхты æфсæддон службæгæнджытæ æмæ æмбæстагон адæймæгтæ æнæлаз æмæ эффективон службæйы тыххæй, сæрмагонд æфсæддон операцийы зонæйы хæстæ æнтыстджынæй æххæст кæныны тыххæй.
***
РЦИ-Аланийы Горæтгæрон районы Сунжæйы хъæуккаг Коцты Альберт Марикы фырт сæрмагонд æфсæддон операцийы равдисгæ æхсардзинады тыххæй хорзæхджын æрцыд Жуковы майданæй. Карз тохы рæстæджы фæцæф, фæлæ та фæстæмæ æрбаздæхт æмæ слæууыд иннæ хæстонты рæнхъы.
***
Ирыстойнаг хæстон Хуыбылты Аслан Алиханы фырт Уæрæсейы Федерацийы президенты барамындæй хорзæхджын æрцыд Суворовы майданæй сæрмагонд æфсæддон операцийы равдисгæ хъæбатырдзинад æмæ удуæлдайдзинады тыххæй.
***
Цæгатирыстойнаг хæстон Дзиоты Рамазан Астемыры фырт Украинæйы уагъдцæуæг сæрмагонд æфсæддон операцийы хайад исы фыццаг бонтæй фæстæмæ. Хæстон архайдтыты зонæйы равдисгæ хъæбатырдзинады тыххæй УФ-йы президенты барамындæй хорзæхджын æрцыд «За спасение погибавших»-ы майданæй. Уый размæ та йын саккаг кодтой УФ-йы Хъахъхъæнынады министрады 2-аг къæпхæны «За воинскую доблесть»-ы майдан.
***
Хуссарирыстойнаг хæстон Санахъоты Аркади Валентины фырт хорзæхджын æрцыд Суворовы майданæй Украинæйы сæрмагонд æфсæддон операцийы равдисгæ æхсардзинады тыххæй. Аркади у 4-æм æфсæддон базæйы æфсæддон службæгæнæг. Хæстон архайдтыты хайад исы ивгъуыд аз сентябры мæйæ фæстæмæ.
***
Хуссарирыстойнаг хæстон Дриаты Давидæн саккаг кодтой УФ-йы Хъахъхъæнынады майдан «За боевые отличия». Давидыл цæуы 26 азы. Уый у æртыккаг сæрмагонд батальон «Борз»-ы командир. Службæ кæны Бахмуты.
Нæ уацх.
