Кад æхсарджын хæстонтæн

Лейтенант Хетæгкаты Михаил Владимиры фырт Уæрæсейы Федерацийы президенты Барамындæй  хорзæхджын æрцыд Хъæбатырдзинады орденæй. Михаил у Цæгат Кавказы  Суворовы номыл æфсæддон ахуыргæнæндон æмæ Новосибирскы уæлдæр æфсæддон командон ахуыргæнæндоны рауагъдон. Сæрмагонд æфсæддон операцийы зонæйы хайад исы 2022 азы мартæй фæстæмæ. Тохтæй сæ иуы рæстæджы фæцæф, сæмбæлд ыл  æртæ нæмыджы æмæ нæмыджы схъисы. 2022 азы декабрæй, госпиталæй рацæуыны æмæ реабилитацийы фæстæ, фæстæмæ ацыд сæрмагонд æфсæддон операцийы зонæмæ æмæ хъæбатырæй тох кæны украинæйаг нацистты ныхмæ.

 

***

Хуссарирыстойнаг хæстон, сержант, хайады командир Бестауты Александр Русланы фыртæн саккаг кодтой Жуковы майдан сæрмагонд æфсæддон операцийы Фыдыбæстæ æмæ Уæрæсейы паддзахадон интерестæ хъахъхъæнгæйæ хæстон архайдтыты рæстæджы хисæрмагонд æхсардзинад æмæ удуæлдайдзинад равдисыны тыххæй. Фыццаг бонтæй фæстæмæ хайад иста сæрмагонд æфсæддон операцийы. Карз тохтæй сæ иуы рæстæджы фæцæф. 2012 азæй йе ‘фсæддон хæстæ æххæст кодта 4-æм уæрæсейаг æфсæддон базæйы.

 

***

Хуссар Ирыстоны хъайтар, орден Уацамонгæйы кавалер Дудайты Димитр хорзæхджын æрцыд дыууæ майданæй сæрмагонд æфсæддон операцийы хайадисты æмæ равдисгæ сгуыхтдзинæдты тыххæй. Дмитри Донбассы хæцы 2014 азæй фæстæмæ, Донецк æмæ Луганскы сабыр цæрджыты ныхмæ нацисттæ хæстон архайдтытæ куы райдыдтой, уыцы бонæй.

 

***

РЦИ-Аланийы горæт Дзæуджыхъæуы цæрæг, хистæр лейтенант Хуыбылты Аслан Гелайы фырты схорзæхджын кодтой Жуковы майданæй Донбассы хæстон архайдтыты равдисгæ хъæбатырдзинæдты тыххæй. Фыццаг бонтæй фæстæмæ ис сæрмагонд æфсæддон операцийы зонæйы.

 

***

РЦИ-Алани Джызæлы хъæуккаг хæстон, горæт Калининграды Балтийы флоты æфсæддон службæгæнæг Бедойты Сослан Виталийы фырт УФ-йы президенты барамындæй хорзæхджын æрцыд Хъæбатырдзинады майданæй сæрмагонд æфсæддон операцийы равдисгæ сгуыхтдзинæдты тыххæй.

 

***

Хуссарирыстойнаг хæстон Гуыдиты Валик Валерийы фыртæн саккаг кодтой Жуковы майдан Украинæйы сæрмагонд æфсæддон операцийы Фыдыбæстæ æмæ Уæрæсейы паддзахадон интерестæ хъахъхъæныны рæстæджы хæстон архайдтыты равдисгæ æхсардзинад æмæ удуæлдайдзинады тыххæй. Фыццаг бонтæй фæстæмæ хайад исы сæрмагонд æфсæддон операцийы. Ныртæккæ хос кæны йæхицæн кæй фæцæф, уый фæстиуæгæн.

 

***

Лейтенант Танделаты Рустам Уæрæсейы Федерацийы президенты барамындæй дыууæ хатты хорæзхджын æрцыд Хъæбатырдзинады майданæй хæстон хæстæ хъæбатырæй æххæст кæныны, фæцæфуæвæг æмслужбæгæнджыты цард аирвæзын кæныны, удуæлдайдзинад æмæ хисæрмагонд æхсардзинады тыххæй. Дыууæ хорзæхы дæр райста сæрмагонд æфсæддон операцийы. Уым хайад исы фыццаг бонтæй фæстæмæ, фæцæф.

Танделаты Рустамыл цæуы 24 азы.  У Цæгат Кавказы Суворовы номыл æфсæддон ахуыргæнæндоны рауагъдон. Уый фæстæ та каст фæцис Новосибирскы уæлдæр командон институт. Службæ кæны Хуссар-Сахалинскы.

 

***

Ирон хæстон Битарты Валери хорзæхджын æрцыд УФ-йы хъахъхъæнынады министрады майдан «За воинскую доблесть II степени»-йы майданæй сæрмагонд æфсæддон операцийы равдисгæ сгуыхтдзинæдты тыххæй.

 

***

Республикæ Хуссар Ирыстонæй рацæугæ, РЦИ-Аланийы цæрæг Бестауты Мурат Федоры фыртæн саккаг кодтой дыууæ паддзахадон хорзæхы – «За воинскую доблесть» æмæ Суворовы майдан Донбассы хæстон архайдтыты удуæлдайдзинад æмæ сæрмагонд хъæбатырдзинад равдисыны тыххæй.

 

***

Цæгатирыстойнаг хæстон Мæрзойты Аслан Ибрагимы фырт хорзæхджын æрцыд Хъæбатырдзинады майданæй сæрмагонд æфсæддон зонæйы хæстон архайдтыты рæстæджы равдисгæ сгуыхтдзинæдты тыххæй, цыран ис фыццаг бонтæй фæстæмæ.

 

***

Æфсæддон службæгæнæг Хуыгаты Таймураз Тенгизы фырт фыццаг бонтæй фæстæмæ хайад исы сæрмагонд æфсæддон операцийы. Фыдыбæстæ æмæ Уæрæсейы паддзахадон интерестæ хъахъхъæныны рæстæджы хæстон архайдтыты равдисгæ сгуыхтдзинæдты тыххæй йын саккаг кодтой Жуковы майдан.

 

***

Цæгатирыстойнаг хæстон Цæрыкъаты Магомет Артуры фырт Фыдыбæстæ æмæ УФ-йы паддзахадон интерестæ хъахъхъæныны рæстæджы равдисгæ удуæлдайдзинад æмæ æхсардзинады тыххæй хорзæхджын æрцыд Жуковы майданæй.

 

***

Цæгатирыстойнаг хæстон Джиоты Алан Никъалайы фыртæн саккаг кодтой Суворовы майдан Уæрæсейы Федерацийы паддзахадон интерестæ хъахъхъæныны рæстæджы равдисгæ сгуыхтдзинæдты тыххæй.

Нæ уацх.