Цæгат Ирыстоны паддзахадон университеты материалон хайады бухгалтер Милдзыхты Лаурæйæн саккаг кодтой УФ-йы Хъахъхъæнынады министрады майдан «Участнику специальной военной операции»-йæ, сæрмагонд æфсæддон операцийы хæстонтæн кæй æххуыс кæны, уый тыххæй, – хъусын кæны уагдоны пресс-службæ.

Милдзыхты Лаурæ у хæрзаудæн фонд «Быть добру»-йы æмбындурæвæрæг. Волонтертæ регулярон æгъдауæй гуманитарон æххуыс ласынц хæстонтæн, афтæ ма æххуыс кæнынц бынæттон цæрджытæн алыгъуызон фарстатæ аскъуыддзаг кæнынæн дæр.

 

***

 

Джиоты Ролан Романы фырт

Дзауы поселочы цæрæг Джиоты Ролан Романы фырт Украинæйы хæстон архайдтыты рæстæджы равдисгæ æхсардзинад æмæ удуæлдайдзинады тыххæй Уæрæсейы Федерацийы Президенты барамындæй хорзæхджын æрцыд Жуковы майданæй. Джиойы фырт сæрмагонд æфсæддон операцийы зонæйы ис ивгъуыд азы сентябры мæйæ фæстæмæ. Ролан у 4-æм уæрæсейаг æфсæддон базæйы æфсæддон службæгæнæг.

 

***

Ганыготы Артур Вадимы фырт

Ирыстойнаг хæстон, капитан Ганыготы Артур Вадимы фырт хорзæхджын æрцыд дыууæ майданæй – «За боевые отличия» æмæ «За отвагу»-йæ сæрмагонд æфсæддон операцийы равдисгæ удуæлдайдзинад æмæ хисæрмагонд хъæбатырдзинады тыххæй. Артур хæстон архайдтыты зонæйы ис ивгъуыд азæй фæстæмæ.

Каст фæцис Дард Хурскæсæны иумæйагæфсæддон командон ахуыргæнæндоны мотоæхсæг дæлхæйтты управленийы дæсныйады фæдыл.

 

***

Тыджыты Малхаз

Цæгатирыстойнаг хæстон Тыджыты Малхазæн Уæрæсейы президенты барамындæй саккаг кодтой Жуковы майдан. 34-аздзыд хæстон, уый сæрмагонд операцийы зонæйы ис 2022 азы мартæй фæстæмæ. 2022 азы июлы уæззау цæфтæ фæцис. Ныртæккæ службæ кæны Цæгат Ирыстоны.

 

***

Санахъоты Сослан

Хуссарирыстойнаг хæстон Санахъоты Сослан Гарикы фырт хорзæхджын æрцыд Жуковы майданæй Украинæйы сæрмагонд æфсæддон операцийы æхсардзинад, удуæлдайдзинад æмæ хисæрмагонд хъæбатырдзинад равдисыны тыххæй. Сослан у 4-æм уæрæсейаг æфсæддон базæйы æфсæддон службæгæнæг. Сæрмагонд æфсæддон операцийы хайад исы ивгъуыд азы марты мæйæ фæстæмæ.

***

Саулохты  Хетæг

Саулохты  Хетæг Феликсы фыртæн саккаг кодтой Суворовы майдан. Уый фæдыл æмбæлон барамындыл йæ къух æрфыста УФ-йы Президент Владимир Путин. Уый дыууæ хатты фæцæф карз тохты рæстæджы, фæлæ та-иу æрбаздæхт фронтмæ. Хетæгæн майдан радтой хæстон архайдтыты Фыдыбæстæ æмæ Уæрæсейы Федерацийы паддзахадон интерестæ хъахъхъæнæны рæстæджы равдисгæ хисæрмагонд хъайтардзинад равдисыны тых-хæй.

***

Дзабиты Алан æмæ Батрадз

Цæгат Ирыстоны Кæрдзыны хъæуккаг дыууæ фаззон æфсымæры Дзабиты Алан æмæ Батрадз сæрмагонд æфсæддон операцийы хорзæхджын æрцыдысты майдантæ «Во славу Осетии» æмæ «За воинскую доблесть»-ы майдантæй.

 

***

Плиты Георги

Æфсæддон службæгæнæг Плиты Георги сæрмагонд æфсæддон опера-цийы зонæйы хæстон архайдтыты рæстæджы равдисгæ æхсардзинады тыххæй хорзæхджын æрцыд «Во славу Осетии»-йы майданæй.

***

Кокойты Мир Ибрагимы фыр

Хуссарирыстойнаг æфсæддон службæгæнæг Кокойты Мир Ибрагимы фырт хорзæхджын æрцыд Уæрæсейы Федерацийы Хъахъхъæнынады министрады майдан «За боевые отличия»-йæ сæрмагонд æфсæддон опе-рацийы рæстæджы æхсардзинад æмæ удуæлдайдзинад равдисыны тыххæй. Кокойты Мир у уæрæсейаг æфсæддон службæгæнæг. Сæрмагонд æфсæддон операцийы ис ивгъуыд азы апрелы мæйæ фæстæмæ. Цымыдисон ма у уый дæр, æмæ абон Мир фашистты ныхмæ кæм тох кæны, уым хæцыд  немыцаг фашистты ныхмæ йæ дада дæр.

 

***

Теблойты Таймураз Русланы фырт

Цæгат Ирыстоны Ногиры хъæуккаг Теблойты Таймураз Русланы фыртæн равдисгæ хъæбатырдзинады тых-хæй саккаг кодтой Жуковы майдан. Ирон хæстон сæрмагонд æфсæддон операцийы хайад исы фыццаг бонтæй фæстæмæ.

***

Мæргъиты Валеко

Ирыстойнаг хæстон Мæргъиты Валеко (йæ фæсномыг Парпат) хорзæхджын æрцыд «Во славу Осетии»-йы майданæй Украинæйы сæрмагонд æфсæддон операцийы хæстон архайдтыты рæстæджы æхсардзинад æмæ удуæлдайдзинад равдисыны тыххæй. Валеко сæрмагонд æфсæддон зонæйы ис фыццаг бонтæй фæстæмæ.

Нæ уацх.

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.