Республикæ Хуссар Ирыстоны Хицауады Сæрдары хæстæ æххæстгæнæг Бекъойты Геннади кусæгон фембæлды рæстæджы Экономикон рæзты министры фыццаг хæдивæг Тадтаты Дзамболат, Экономикон рæзты министры хæдивæг Козаты Роин æмæ ведомствойы управлениты хистæртимæ æруынаффæ кодтой 2020 азы министрады куысты развæлгъау хатдзæгтæ æмæ 2021 азы плæнттыл.
Тадтаты Дзамболаты ныхæстæм гæсгæ, министрад кусы стабилонæй, пандеми æмæ æндæр зындзинæдтæм нæ кæсгæйæ, æмæ ныр кусы 2020 азы архайды хатдзæгты афæдзон хыгъдыл, кæцы бавдисдзысты Хицауадмæ февралы фæстаг декадæйы.
«Аивгъуыйгæ азы уыд куыд æвæрццаг куыстытæ, афтæ бæрæг зындзинæдтæ дæр. Кæронбæттæн хатдзæгтæ бæрæг æрцæудзысты фæстæдæр, фæлæ, зæгъæн ис, азы кæрон мах кæй рахызтыстæм планон фæстиуджытæм», – банысан кодта Тадтаты Дзамболат.
Æрдзырдтой ма ацы азы плæнттыл дæр.
«Абон республикæйы экономикæйы раз лæууы зын хæстæ. Хъæуы ног кусæгон бынæттæ аразын, сæудæджерад бæрзонддæр кæнын, республикон куыстуæтты архайд бæрзонд кæнын инвестицитæ бакæныныл. Министрады архайды ахсджиаг здæхтытæй сæ иу хъуамæ уа туристон фадыг, инвестицион проекттæн æххуыс кæнын, Хуссар Ирыстоны базарадон минæвæртты уылты æддагбазарадон бастдзинæдтæ рауæрæх кæнын, чысыл æмæ астæуккаг амалиуæгадæн æххуыс кæнын», – загъта Бекъойты Геннади.
Comments are closed, but trackbacks and pingbacks are open.