28 мартæй 4 апрелмæ республикæйы территорийыл бахынцыд æрцыд иу фыдракæнд. Алыгъуызон фæткхалæн цауты тыххæй бæрндзинадмæ æркондæуыд цалдæр адæй-маджы, уыцы нымæцы дыууæйæ — наркотиктон буарадтæй æнæзакъонæй пайда кæныны тыххæй.
27 марты оперативон-агурæн мадзæлттæ уадзыны рæстæджы Цхинвалы мидхъуыддæгты управленийы уголовон фæдагуырды хайады кусджытæ Мидхъуыддæгты министрады криминалон милицийы кусджытимæ иумæ æрурæдтой 23-аздзыд нæ горæты цæрæджы, раздæр фыдракæнд кæй сарæзта, уый тыххæй. Уымæ дæр æрхастæуыд г. Цхинвалы цæрæджы хæцæнгарзæй фæцæф кæныны азым.
28 марты Дзауы районы Мидхъуыддæгты управленимæ æрбахатыд Хслебы хъæуы цæрæг æмæ бархийæ радта 3 гранаты æмæ 140-ы бæрц алыгъуызон калибрты нæмгуытæ.
Факты фæдыл сгарæн куыст кæны Дзауы районы Мидхъуыддæгты управлени.
Ивгъуыд къуыри республикæйы фæндæгтыл æрцыди иу фæндагон-транспортон цау. Фæцæф сты æртæ адæймаджы.
19 марты Знауыр-Цхинвалы фæндагыл ВАЗ-2121 машинæйы шофырæн рул йæ къухтæй аирвæзт, рахызт ныхмæдзæуæг фæндагмæ æмæ ныццавта ВАЗ-2107. Уый фæстиуæгæн æртæ адæймагæй бахаудтой рынчындонмæ алыгъуызон цæфтимæ.
Медицинон хатдзæгмæ гæсгæ ВАЗ-2121 уыд рог нозтджын.
Мидхъуыддæгты министрады паддзахадон инспекцийы фæндагон æдасдзинады управленийы кусджытæ рейдон мадзæлтты рæстæджы сбæлвырд кодтой 167 фæндагон змæлды æдасдзинады фæткхалæн цауы. Уыдон æхсæн 13 шофыры машинæ скъæрдтой нозтджынæй.
Comments are closed, but trackbacks and pingbacks are open.