Бекъойты Геннадийы къухдариуæгадæй уагъд æрцыд Республикæ Хуссар Ирыстоны Хицауады цур фæндагон змæлды æдасдзинад сифтонг кæныны фæдыл къамисы рабадт. Боны фæткмæ хаст æрцыдысты горæт æмæ республикæйы районты фæндæгты æдасдзинад сифтонг кæныны актуалон фарстытæ, кæцыты нымæцы уыд программæ «Æдас горæт» среализаци кæныны фарст дæр.

Мидхъуыддæгты министрады фæндагон змæлды æдасдзинады пад-дзахадон инспекцийы управленийы хистæр Джиоты Алан фехъусын кодта банысангонд программæйы реализацийы тыххæй æмæ йæ сфидар кæнынимæ баст этаптæ. Йæ ныхæстæм гæсгæ, «Æдас горæт» ифтонг кæндзæн горæты  уынгты уавæр.

«Фæстаг рæстæджы, куыд уынæм, афтæмæй автотранспортон фæрæзтæ фæфылдæр сты, фæлæ нæма уынæм машинæ скъæрыны культурæ, фæндагон змæлды фæтк машинæ скъæрджытæ ницæмæ дарынц. Программæ сфидар кæнын фадат ратдзæн бар-халынадтæ аиуварс кæнынæн», – загъта Джиоты Алан.

Уынаффæ кæныны рæстæджы ма æрныхас кодтой «Фæндагон змæлды фæтк фехалыны фæдыл административон æмæ уголовон бæрндзинады тыххæй», Республикæ Хуссар Ирыстоны Закъонмæ Республикæйы Парламент цы ивындзинæдтæ бахаста, уыцы информаци актуалон скæныны æнæмæнгхъæуындзинады тыххæй, кæцытæ (ивындзинæдтæ) фадат ратдзысты фæндагон змæлды фæткхалджытæн иварон санкцитæ фæбæрзонддæр кæнынæн.

«Бæрæг нормæтæ æмæ домæнтæм гæсгæ æнæмæнгхъæуæг у уæвæг проблемæтæ аскъуыддзаг кæнынæн серьезон фæстиуджытæ аиуварс кæнын», – банысан кодта Хицауады Сæрдар.

 

 

Ацы æрмæджытæ дæр бакæс:

СФИДАР КОДТОЙ ПРОЕКТТÆ, УАГÆВÆРДТÆ Боны фæткы – æндæр æмæ æндæр фарстатæ Default ThumbnailХицауады рабадт ТЫБЫЛТЫ Леонид: «Ахуырады гъæд фæбæрзонддæр кæныны фарстатæ кæддæриддæр приоритетон сты Республикæйы къухдариуæгадæн» РХИ-йы Хицауады Сæрдар Хъуылымбегты Доментийы хыгъд парламенты сессийы 2015 азы бакæнгæ куысты тыххæй

Comments are closed, but trackbacks and pingbacks are open.