15-ӕм июлӕй 22-æм июлмæ Хуссар Ирыстоны территорийыл æрцыдис дыууæ фыдракæнды æмæ раргом сты. Наркотикон буарадтӕй ӕнӕзакъонӕй спайда кӕныны тыххӕй урӕд ӕрцыдысты цалдӕр ӕмбӕстаджы. Уымӕй уӕлдай ма республикӕйы фӕндӕгтыл ӕрцыд иу авари, кæцыты фæстиуæгæн рынчындонмæ бахауд 1 адæймаг.
Планон-рейдон мадзӕлттӕ уадзыны рӕстӕджы Фӕндагон змӕлды ӕдасдзинады инспекци къуырийы дӕргъы сбӕлвырд кодта 215 фӕткхалӕн цауы. Уыдонӕй 8 уыдысты нозтджынӕй машинӕ скъӕрыны цаутӕ.
Алыгъуызон бархалыны фӕдыл бӕрндзи-надмӕ конд ӕрцыдысты 11 адӕймаджы.
Фæндагон змæлды æдасдзинады инспектортæ æмæ Милицийы сæрмагонд нысаниуæджы къорды кусджытæ рейдон мадзæлттæ уадзыны рæстæджы баурæдтой автомашинæ «ВАЗ-2107», кæцыйы шофыр разынд нæ горæты 19-аздзыд цæрæг. Басгæрсты рæстæджы шофырмæ ссардтой наркотикон буарад «марихуана».
Наркотикон буарадты æрзылдыл контроль кæныны управленийы кусджытæ Дзауы районы Гуфтайы хъæуы баурæдтой автомашинæ «BMW», кæцыйы шофыр разынд нæ горæты 42-аздзыд цæрæг. Басгæрсты рæстæджы машинæйы ссардтой медицинон препараттæ, – 46 капсулæйы «Лирика» æмæ цыппар флаконы та – «Баклосан», кæцыты мидæг ис наркотикон буарадтæ. Ацы æнæзакъонон медицинон препараттæ разындысты машинæйыбадæг бæлццоны, 22-аздзыд Цхинвалы цæрæджы.
Цхинвалы Хъайтарты уынгæй Пушкины уынгмæ азилæны æрцыдис фæндагон-транспортон цау. Нæ горæты 61-аздзыд цæрæджы автомашинæ «BMW»-йы бын бахауд 69-аздзыд Цхинвалы цæрæг. Бæлццон уæззау цæфтимæ бахауд рынчындонмæ.
Comments are closed, but trackbacks and pingbacks are open.