23 октябрæй 30 октябрмæ Хуссар Ирыстоны территорийыл фыдракæнд не ‘рцыдис. Наркотикон буарадтӕй ӕнӕзакъонӕй спайда кӕныны тыххӕй урӕд ӕрцыдысты цалдӕр ӕмбӕстаджы. Къуырийы дæргъы республикæйы фæндæгтыл æрцыдис æртæ фæндагон-транспортон цауы. Авариты фæстиуæгæн рынчындонмæ алыгъуызон цæфтимæ бахаудтой дыууӕ адæймаджы.
Алыгъуызон бархалыны фæдыл милицийы кусджытæ бæрндзинадмæ æркодтой 16 адæймаджы. Уыдонӕй 12 уыдысты ӕнӕххӕст кары сывӕллӕттӕ.
Фæндагон змæлды æдасдзинады инспекци къуырийы дæргъы сбæлвырд кодта 288 фæткхалæн цауы. Уыдонæй 8 уыдысты нозтджынæй машинæ скъæрыны цаутæ.
Милицийы экономикон фыдракæндтæ ма æруадзыны управленийы кусджытæ рейдон мадзæлттæ ауадзыны рæстæджы дыууæ дуканийы баййæфтой æмæ сконфискаци кодтой энергетикон нозтытæ æмæ электронон тамакотæ. Дуканиты хицæуттыл баконд æрцыдысты административон суагъæтæ æмæ сæ арвитдзысты тæрхондонмæ.
28 октябры милицимӕ фехъусын кодтой, зӕгъгӕ Гудзабары хъӕуы хисӕрмагонд хӕдзары цӕ-хӕрадоны ссыгъд ӕртаджы цистернæ. Зынгсирвӕзты рӕстӕджы 55 ӕмӕ 36-аздзыд горӕттаг цӕрджытӕ уӕззау уавӕры бахаудтой рынчындонмӕ.
Цхинвалы районы милицийы кусджытæ рейдон мадзæлттæ уадзыны рæстæджы фондз шофырмæ сæ зæрдæ фехсайдта наркотиктæй спайда кæнынмæ. Медицинон басгӕрст куыд рабӕрӕг кодта, афтӕмӕй спайда кодтой марихуанайӕ. Баурæдтой ма Дзауы районы 38 ӕмӕ 41-аздзыд бынӕттон цӕрджыты, кæцытӕ нӕ бакуымдтой медицинон басгӕрстмӕ. Знауыры районы дӕр баурӕдтой зӕрдӕхсайгӕ шофыры, кӕцы разынд горӕттаг 28-аздзыд цӕрӕг. Фӕткхалӕг нӕ бакуымдта медицинон басгӕрстмӕ. Горӕт Цхинвалы та баурӕдтой 26-аздзыд Къостайыхъӕуы цӕрӕджы, кӕцы спайда кодта марихуанайӕ. Наркотикты æрзылды контроль кæныны управленийы кусджытæ дӕр баурæдтой 43-аздзыд горæттаг æмæ 22-аздзыд Сатихъары хъæуы цæрджыты, кæцытæ спайда кодтой марихуанайæ.
