14 августæй 21 августмæ Хуссар Ирыстоны территорийыл æрцыдис иу фыдракæнд. Наркотикон буарадтӕй ӕнӕзакъонӕй спайда кӕныны тыххӕй урӕд ӕрцыдысты цалдӕр ӕмбӕстаджы. Республикæйы фæндæгтыл æрцы-дис æртæ фæндагон-транспортон цауы. Авариты фæстиуæгæн рынчындонмæ алыгъуызон цæфтимæ бахаудтой æртæ адæймаджы.
Алыгъуызон бархалыны фæдыл горæты милицийы управленийы кусджытæ бæрндзинадмæ æркодтой иу æнæххæст кары сывæллоны.
Фæндагон змæлды æдасдзинады инспекци къуырийы дæргъы сбæлвырд кодта 350 фæткхалæн цауы. Уыдонæй 10 уыдысты нозтджынæй машинæ скъæрыны цаутæ.
Милицийы экономикон фыдракæндтæ ма æруадзыны фæдыл управленийы кусджытæ рейдон мадзæлттæ уа-дзыны рæстæджы иу дуканийы баййæфтой энергетикон нозтытæ 44 банкæйы æмæ сæ сконфискаци кодтой. Фæтк-халæгыл бакодтой административон суагъæ æмæ йын йæ хъуыддаг равзардзæнис тæрхондон.
Оперативон информацийы фæдыл Знауыры районы милицийы хайады кусджытæ Паткнеты хъæугæрон хъæды ссардтой 6 гæны къутæры æмæ сæ скуынæг кодтой.
14 августы милицийы хайадмæ фехъусын кодтой, зæгъгæ Цхинвалы районы Къусреты хъæумæ ‘ввахс ададжы ссардтой тæссаг предмет. Куыд рабæрæг, афтæмæй разынд танкрæмудзæн минæ æмæ йæ сапертæ раластой скуынæг кæнынмæ.
18 августы рынчындонмæ уæззау уавæры бахаудта 18-аздзыд горæттаг цæрæг. Куыд рабæрæг, афтæмæй æгæр стыр дозæ банызта медицинон препараттæ æмæ йын йе ‘нæниздзинадыл бандæвтой.
20 августы горæты милицийы хайадмæ фехъусын кодтой, зæгъгæ иу хæдзарæй тынг хъæлæба хъуысы æмæ сыхæгты фынæй нæ уадзынц. Бынатмæ бацыдысты милицийы кусджытæ æмæ баурæдтой æртæ æрыгон адæймаджы, кæцытæ пайда кодтой наркотикон буарад марихуанайæ.
20 августы рынчындонмæ уæззау уавæры бахаудта 14-аздзыд сывæллон. Куыд рабæрæг, афтæмæй сывæллонæн карз нозтæй уыд интоксикаци.
Дзауы районы милицийы хайады кусджытæ баурæдтой Дзауы районы Стырфæзы хъæуы 33-аздзыд цæрæджы, спайда кодта марихуанайæ.
