22 июны информацион агентад «Спутник – Хуссар Ирыстон»-ы пресс-центры уыдис радон мастер-кълас ахуырадон проект SputnikPro-йы фæлгæты. Ауагъта йæ медиакъорд «Россия сегодня»-йы информацитыы сæйраг дирекцийы мониторинг æмæ координацийы редакцийы къухдариуæггæнæг Яна Авдеева. Йæ темæ уыд: «Работа с новостями: источники информации, создание и подача». Лекци байхъусынмæ æрбацыдысты Хуссарирыстойнаг дзыллон информацийы фæрæзты, пресс-службæты кусджытæ æмæ ХИПУ-йы журналистикæйы факультеты студенттæ.
Цæттæ æрмæджыты цæвиттоныл уый радзырдта информаци раст адæттын куыд хъæуы, уый тыххæй. Слайд-шоуы фæрцы æрæмбырдуæвджытæн равдыста, цахæм хæйттæй конд вæййы æрмæг. Алцæйы тыххæй дæр æрдзырдта лæмбынæг.
«Цауты бынаты уацхæссæг у информацийы иууыл растдæр гуырæн. Тæрхондоны, Парламенты рабадты, минтингы уа кæнæ цыфæнды æндæр мадзалтты уæвгæйæ, уый радæтты максималон æгъдауæй раст, оперативон æмæ корректон информаци», – загъта Авдеева Яна.
Уый ма куыд радзырдта, афтæмæй информаци ныффысæн ис кадртæм гæсгæ дæр æмæ æрхаста цæвиттонтæ.
Авдеева ма радзырдта телеграмм-каналты æмæ агентады официалон сайтты публикациты хицæндзинæдты тыххæй.
Кæронбæттæны сдзуапп кодта журналистты фарстатæн.
ЦЫБЫРТЫ Анжелæ
