Радон мастеркъластæ Хуссар Ирыстоны дзыллон информацийы минæвæрттæн

 

21-æм марты проект SputnikPro-йы ахуыргæнæн программæйы фæлгæтты медиакъорд «Россия сегодня»-йы журналист Полина Голубева хуссарирыстойнаг журналисттæн, пресс-службæты кусджытæн æмæ Хуссар Ирыстоны паддзахадон университеты журналистикæйы факультеты студенттæн «Спутник Хуссар Ирыстон»-ы пресс-центры ауагъта мастер-кълас. Фæлтæрд журналистимæ фембæлд æмæ йæ лекцимæ байхъусын пайда уыдис куыд журналисттæн, афтæ студенттæн дæр.

Полина Голубева лекцийы йæ коллегæтæн презентаци кодта темæ «Как сделать так, чтобы ваш контент смотрели», цыран уый банысан кодта социалон хызæгты размæцыды хъуыддаг æмæ куыд кусын хъæуы, уыдæттæ. Уый бæстонæй радзырдта, социалон хызæгтæй чи пайда кæны, уыдон цавæр контент фæнды фенын, æндæр æмæ æндæр социалон хызæгты контент куыд хъуамæ райтынг уа æмæ йæ куыд садаптаци кæна, афтæ ма публикацитæ куыд хъæуы адæмы размæ рахæссын æмæ æндæр ахæм фарстытæ.

«Уацы сæргонд æнæмæнг хъуамæ уа ирд æмæ цымыдисон, текст цæуыл дзурæг у, уымæй ист ахсджиаг дзырдтæй хъуамæ уа конд. Аразут ирд обложкæтæ-тамбнейлтæ. Æнæмæнг хъæуы фыссын видеотæм æмбарынгæнæн афыст æмæ сюжет публикаци кæнут сайтыл. Стыр сюжеттæн фыссын хъæуы таймкодтæ, цæмæй адæм уайтагъддæр бахауой видеойæ сæм цымыдисондæр кæцы хай фæкæса, уымæ», – бацамыдта Полина Голубева.

Мастер-къласы кæрон журналисттæ лекцийы фæдыл фарстытæ лæвæрдтой Полина Голубевамæ æмæ-иу райстой æмбæлон дзуаппытæ.

Полина Голубева у социалон хызæгтæ «ВК» æмæ «Одноклассниктæ»-йы спецпроектты автор æмæ продюсер.

Нæ уацх.

Comments are closed, but trackbacks and pingbacks are open.