Марийнаг театры къухдариуæггæнæг, зынгæ дирижер Гергиты Валери ссис Уæрæсейы президенттæм кандидат Владимир Путины æууæнчы адæймаг, – хъусын кæны газет «Слово».

Уæрæсейы Федерацийы Централон æвзарæн къамис срегистраци кодта президенттæм кандидат Владимир Путины æууæнчы адæймæгты дыккаг къорд. Уыдоны ‘хсæн ис маэстро Гергиты Валери. Номхыгъдæн йæ фыццаг æрдæг регистраци æрцыд 12 январы. Хатцæгон номхыгъды ис 413 æууæнчы адæймаджы.

Æвзарæн штабы æмсæрдар Александр Румянцевы ныхæстæм гæсгæ, æууæнчы адæймæгты номхыгъд æххæст æрцæудзæн 16 марты æмгъуыдмæ кандидаты фæндонмæ гæсгæ. Закъонмæ гæсгæ уыдоны нымæц ма хъуамæ ахиза 600-йæ.

Гергиты Валерийæ дарддæр ма Владимир Путины æууæнчы адæймæгты ‘хсæн ис æртæ ирон адæймаджы. Уыдон сты регионалон æхсæнадон организаци «Совет женщин Северной Осетии»-йы сæрдар, РЦИ-Аланийы парламенты экс-спикер Хæбыцаты Ларисæ, Магадайнаг механикон заводы генералон директор Гаглойты Мурат æмæ Сахалины паддзахадон университеты президент Мысыккаты Барис.

Куыд зонæм, афтæмæй Уæрæсейы Федерацийы президентон æвзæрстытæ уагъд æрцæудзысты 18 марты. Уæрæсейы архайæг президент Владимир Путин хайад исдзæн æвзæрстыты куыд хираразмæгæнæг кандидат, афтæ. 15 бонмæ Путины штаб æмбырд кодта 300 мины бæсты 1,5 милуан къухфысты. Уыцы къухфыстытæ æнæмæнгхъæуæг сты президентмæ кандидаты срегистраци кæнынæн.

Ацы æрмæджытæ дæр бакæс:

Дзырд цыдис УФ-йы президенты æвзæрстытæм цæттæгæнæн куыстытыл Default ThumbnailРеспубликæ Хуссар Ирыстоны Централон æвзарæн къамисы Уынаффæ Default ThumbnailРеспубликæ Хуссар Ирыстоны Парламенты Уынаффæ Default ThumbnailТЫБЫЛТЫ Леонид: «Хъуамæ æрцæуæм æвзарæн фадгуытæм æмæ спайда кæнæм æвзæрсты конституцион бартæй» Default ThumbnailЭпицентр/ Биноныг цæрыны цензы тыххæй диктант

Comments are closed, but trackbacks and pingbacks are open.