Сырх Дзуары Æхсæнадæмон Комитет дарддæр йæ архайд кæны Хуссар Ирыстоны горæттæ æмæ хъæууон районты, æмæ комплексон æххуыс кæны иууыл тыхстдæр категорийы цæрджытæн. Пандемийы рæстæджы Комитет лæмбынæг хъусдард здахы ситуацийы цыдмæ æмæ йæ архайдæй ахъаз кæны низæй иууыл тыхстдæр æмбæстæгтæн. 2008-æм æмæ 1989-1992-æм азты æбæрæгæй фесæфæг адæймæгты хъысмæт рабæрæг кæнын æмæ сын сæ бынат базонын у йæ фыццаградон хæстæй иу. Организацийæн æдзухон бастдзинад ис хицауады æмбæлон структурæтæ æмæ æбæрæгæй фесæфæг бинонты уæнгтимæ æмæ кусынц ахæм адæймæгты хъысмæт рабæрæг кæныныл. Комитет дарддæр дæр æмбырд кодта информаци, кæцы баххуыс уыдаид уыдоны хъысмæт базонынæн. Йæ кусджытæ Хуссар Ирыстоны æндæр æмæ æндæр районты хъæуты цæрджытимæ информаци æмбырд кæныны тыххæй ауагътой 10 фембæлды. Ахæм æмбæстæгты хиуæтты æнцой балæууыны тыххæй Сылгоймæгты дунеон бон – 8-æм марты Комитет баххуыс кодта æмæ ауагъдæуыд зæрдылдарæн мадзал сæ бинонты хайадистæй. Комитет 8-æм июны та иу бинонтæн проекты фæлгæтты ауагъта вебинар.
Тæрхондонон экспертизæйы бынæттон ресурсты размæцыды æнцой балæууыны тыххæй Организаци бынæттон моргæн балæвар кодта фотокамерæ треногаимæ, нымæцон штангенциркуль, стыргæнæн прибортæ, лабораторион ифтонггæрзтæ, респиратортæ æмæ æндæртæ. Фæлындзынады йедтæмæ ма тæрхондонон эксперттæ апрелы мæйы ауагътой профессионалон тренинг, уый организаци æрцыд 1990-æм æмæ 2008-æм азты æбæрæгæй фесæфæг адæймæгты координацион механизмы фæлгæтты. Июны мæйы та Комитет радта æбæрæгæй фесæфæг адæймæгты стæгдартæ æмбæлон æгъдауæй сæ ногæй баныгæныны тыххæй.
Конфликты фæстиуæгæн бинонты уæнгтæн арæх зын вæййы æдзухон бастдзинад сæндидзын кæнын æмæ уымæ гæсгæ организаци сæ хæстæджытæ æмæ хиуæттимæ балæууынц се ‘нцой. Ахæм бинонтæн баххуыс кæныны хæс æххæст кæнгæйæ, Комитеты кусджытæ 2021 азы фыццаг æмбисы баххуыс кодтой телефонон бастдзинады руаджы. Афтæ ма дарддæр æххуыс кæны, кæ-рæдзийæ чи фæхицæн, уыцы бинонты уæнгты баввахс кæныныл æмæ йæ фæрцы сæ хиуæттимæ æрбаиу сты 8 адæймаджы.
Сырх Дзуары Комитеты делегаттæ бацæуынц ахст æмбæстæгтæм, ахст адæймагæн бахастой иу æрвитæггаг, сорганизаци кодта æмæ бинонтæ бацыдысты сæ ахст адæймагмæ, 15 ахст адæймагæн лæвæрд æрцыдысты гигиенæйы фæрæзтæ.
Социалон æххуысы программæйы фæлгæтты ацы организаци æдзухдæр æххуыс кæны хæл-цад æмæ гигиенæйы фæрæзтæй цæрджыты иууыл тыхстдæр къорды æмбæстæгтæн. Ахæм æххуыс æрвылквартал дæр бакæнынц иунæгæй цæрæг зæронд æмбæстæгтæн, кæцытæн баххуысгæнæг нæй æввахс хиуæтты ‘рдыгæй. Афæдзы фыццаг æмбисы бахастой 1428 хæлцадон пакеты, 476 гигиенæйы фæрæзтæ æмæ æндæр фыццаградон предметы. Уымæй дарддæр ма пандемийæ æдасдзинад бахъахъхъæныны тыххæй баххуыс кодтой хæлцадон æмæ гигиенæйы фæрæзтæй 193 иууыл тыхстдæр – Хуссар Ирыстоны хъæууон районтæ æмæ Цхинвалы бинонтæй 238 адæймагæн. Ноджы ма дыккаг кварталы хæлцадон пакеттæ 390 æмæ гигиенæйы фæрæзтæ та 130 байуæрстой Ленингоры районы æвæрæздæр цæрджытæн. Фæкастысты æмæ баххуыс кодтой 130 ацæргæ адæймагæн, уыдонæн фадат нæ уыд сæ пенси рæстæгыл райсын пандемийы аххосæй.
Комитеты кусджытæ дарддæр цыдысты хæдзæрттæм æмæ 12 ацæргæ æмæ иунæг адæймæгтæм зылдысты санитарон æгъдауæй. Ахæм хуызы цыдысты Цхинвалы цæрджытæм æрвылбон дæр æмæ къуыри иу хатт та – Цхинвал, Ленингор æмæ Знауыры районты хъæутæм. Æххуыс сын кодтой сæ цæрæн бынæттæ æфснайын æмæ дон хæссыны. Ноджы ма сын æххуыс кодтой æнæниздзинад хъахъхъæныны уагдæттæм сæ бакæнынæн бынæттон хицауады æнгом æмгуысткæнынады фæрцы. Афтæ ма се ‘нцой балæууыдысты 25 бинонтæн сæ документтæ æрбæстон кæныны хъуыддаджы.
Иууыл ахсджиагдæртæй иу у тыхст адæймæгтæн ортопедион æххуыс бакæнын, афтæ ма æнæаргъæвгæ медицинон æххуыс бакæныны тыххæй пациентты сыхаг бæстæйы рынчындæттæм фæхæццæ кæнын. Ацы азы фыццаг æмбисы æдæппæт ортопедион æххуыс бакодтой 14 æмбæстагæн æмæ уæззау рынчынты Тбилис кæнæ Гуры рынчындæттæм фæхæццæ кæныны тыххæй та се ‘ххуысы хай бакодтой 83 пациентæн.
ХУЫБИАТЫ Никъала
Comments are closed, but trackbacks and pingbacks are open.