«Хуссар Ирыстоны æнæниздзинад хъахъхъæныны хаххыл республикæйы 1100 цæрджытæй фылдæр райстой материалон æххуыс», – фехъусын кодтой ведомствойы пресс-службæйы.

Уым куыд банысан кодтой, афтæмæй ахæм æххуыс цæуы социалон æгъдауæй æвæрæз цæрджытæн æмбæстæгты куырдиаты бындурыл иурæстæгонæй аз иу хатт.

«Ацы нысанæн æхцайы фæрæзтæ хицæн цæуынц паддзахадон бюджетæй. Аивгъуыйгæ азы Æнæниздзинад хъахъхъæныны министрад адресон социалон æххуыс бакодта Хуссар Ирыстоны 1161 æмбæстагæн, иумæйаг суммæ – 12 милуан 735 мин сомы», – загътой министрады.

Адресон æххуыс æххæст цæуы 2015 азы 9 декабры Республикæ Хуссар Ирыстоны Хицауады №89 Уынаффæмæ гæсгæ, æмæ хауы æмбæстæгты ахæм категоритæм, куыд бирæсывæллонджын бинонтæм, фыццаг къорды инвалидтæм, дыккаг къорды инвалидтæм, кæцытæ цæфтæ райстой гуырдзиаг-ирон конфликты рæстæджы, гуырцæй инвалидтæм, иунæг, æххуысхъуаг æмæ фæмардуæвджыты бинонтæ, сывæллæттæ-сидзæртæ æмæ  зын цардуагон уавæрты бахауæг æмбæстæгтæм.

2021 азы Республикæ Хуссар Ирыстоны Паддзахадон бюджеты проекты ацы нысæнттæн   хъуамæ рахицæн чындæуа 14 милуан 360 мин сомы.

Информацион агентад «Рес»

Ацы æрмæджытæ дæр бакæс:

Default Thumbnail2017-2021 азты æмгъуыдæн Республикæ Хуссар Ирыстоны Æнæниздзинад хъахъхъæныны рæзты Концепци Тематикон конференци/ Фидар æрцыд Хуссар Ирыстоны æнæниздзинад хъахъхъæныны рæзты концепци Default ThumbnailХуссар Ирыстон рæзын кæны йæ инвестицион хъомыс РХИ-йы Хицауады Сæрдар Хъуылымбегты Доментийы хыгъд парламенты сессийы 2015 азы бакæнгæ куысты тыххæй Банджы архайд — адæмы, Республикæйы хæрзиуæгæнБанджы архайд — адæмы, Республикæйы хæрзиуæгæн

Comments are closed, but trackbacks and pingbacks are open.