Цхинвалы уынгты рæсугъд кæнын райдыдтой ногазон бæрæгбонмæ. Æхсæнадон бынæттæ рæсугъд кæнын фæдыл куыстытæм æрывнæлдтой Цхинвалы администрацийы дæлведомствæйон паддзахадон унитарон куыстуат «Ир-дизайн»-ы кусджытæ. Уыдон райдыдтой Хетæгкаты Къостайы номыл скверæй. Уым ныридæгæн сæвæрдтой рухсгæнæн аркæтæ, декоративон колгæтæ æмæ гирляндæтæ.
Рафидаудзысты сæйраг уынгтæ – Сталины æмæ Путины (Мæскуыйы) уынгтæ. Афтæ ма фæнд кæнынц Харебаты Исахъы уынг дæр срæсугъд кæнын дæр. Уынгты рухсы цæджындзтыл æрцауындздзысты алыгъуызон фигурæтæ æмæ Хуссар Ирыстон æмæ Уæрæсейы Федерацийы триколортæ.
Ацы аз Театралон фæзуаты сæйраг назбæласы цур организаци æрцæудзæн фотозонæ 2024 азы рухсгæнæн нымæцимæ.
Уыимæ иумæ дарддæр æвæрд æмæ декораци цæуы сæйраг назбæлас. Уый багом кæнын фæнд кæнынц 25 декабры.