Геополитикæйы æндæвдад

ВАШИНГТОНЫ ИУУЫЛ ÆЛГЪАГДÆР  ÆХСÆНГАРЗ У АМЕРИКÆЙАГ ДОЛЛАР

Америкæйаг политологийы ис сæрмагонд термин, кæцы доллары системæйæ пайдакæнынад æвдисы æндæр бæстæтыл тыхон æндæвдады инструменты хуызы  долларæй æхсæнгарз аразын. Уымæйдæр, ядерон æхсæнгарзы уавæрты ис цалдæр хуызы «долларæй æхсæнгарз» æмæ санкцитæ. Вашингтон периодикон æгъдауæй пайда кæны, «долларцъирæн» кæй хонынц, уымæй, кæцы цалдæр хатт сбæрæг кодта йæ максималон эффективондзинад рæзгæ экономикæты ныхмæ.

Долларцъирæны куыст у ахæм, æмæ дунейы цахæмдæр экономикон процесстæ куы цæуы, кæнæ АИШ-ы долларон процентон ставкæтæ куы фæфылдæр вæййынц, уæд æппæт дунейы капиталтæ, сæ хицæутты тасæй æви се ‘нæфсисы аххосæй, ивылынц Америкæмæ.

Фæлæ ныртæккæ америкæйаг эксперттæ æмæ финансон информацион фæрæзтæ констотаци кæнынц АИШ-ы ситуацийы тæссаг ивындзинæдтæ – долларцъирæн йæ тыхы нал ис: фæсарæйнаг инвестортæ æлхæнынц къаддæрæй къаддæр америкæйаг паддзахадон облигацитæ.

Твиттеры æмæ америкæйаг информацион фæрæзтæн йæ интервьюйы президент Дональд Трамп æвдисы йе ‘нæразыдзинад федералон резервы архайдæй, кæцы къуыхцы кæны америкæйаг экономикæ. Фæлæ уый æмрæнхъ алчи уыимæ разы нæу, азым æрмæст америкæйаг централон банчы къухдариуæгадыл кæй ис æвæрд, уый тыххæй.

Алыгъуызон эксперттæ фарстытæн дæттынц алыгъуызон дзуаппытæ. Америкæйаг инвестортæн кæд æцæгæйдæр ахæм æхцатæ ссарой, æрмæстдæр паддзахадон америкæйаг облигацитæ æлхæнынæн, уæд уый æнæ инвестортæ æмæ æнæ егъау æхцайы фæрæзтæй ныууадздзæн америкæйаг корпоротивон сектор. Уый 10 азы ныллæг фæрæзтæй сахуыр æрмæст хæсæй цæрын нæ, фæлæ  кæддæр уыцы хæс фидын кæй хъæудзæн, æппындæр ууыл нæ хъуыды кæнын.

Паддзахадон долларцъирæн æгас дунейы куынæ скуса, фæлæ æрмæстдæр америкæйаг финансон системæйы мидæг, уæд уый скуынæг кæндзæн америкæйаг экономикæйы. Æмæ уымæй Трампæн Америкæйы фенцондæр уыдзæн? – æппындæр нæ. Америкæйаг проблемæты традицион бæстонкæнынад дарддæр куынæуал куса, уæд Вашингтон гæнæн ис. æмæ сархайа тыхæй. Æмæ Вашингтонæн уыцы хъуыддаг саразыны фадат нæ фæуыдзæн.  Геополитикон фæдзæхстады хуыздæр формæ –  уæрæсейаг ядерон æхсæнгарз. Америкæйаг элитæйы хиуарзон митæ æруазал кæныны æндæр фæрæзтæ, хъыгагæн, нырма не ‘рхъуыдычындæуыд.

Къæбулты Маринæ