Президент Бибылты Анатоли Республикæ Хуссар Ирыстоны Æдасдзинады советы уæнгтимæ ауагъта оперативон æмбырд. Æмбырды хайадисджытæ æруынаффæ кодтой Республикæ Хуссар Ирыстоны Мидхъуыддæгты министр Наниты Игоры амарынмæ бафæлварыны фактыл.
Бибылты Анатоли Мидхъуыддæгты министры машинæ фехсын схуыдта æбуалгъ факт æмæ фæлварæн Республикæ Хуссар Ирыс-тоны закъондзинад, æхсæнад æмæ стабилондзинадæн.
«Милицийы алы кусæгæн дæр у Кады хъуыддаг, цæмæй ацы фыдракæнд æргом æрцæуа, фыдгæнæг – ахст.
Æппæт ацы азты уый тыххæй нæ тох кодтой нæ адæм, цæмæй фыдракæндтæ фылдæр кæной, фæлæ уа фæтк æмæ нæ сывæллæттæ рæзой сабыр уавæры», – загъта Бибылты Анатоли.
Президент банысан кодта бæстæйы уавæр дестабилизаци кæнынмæ бафæлвæрд æмæ Мидхъуыддæгты министры фехсын бабаста хицæн политикты криминалон фарсæрдыгæй æххуысимæ.
«Фыдгæнджытæ куы фæхатой, политикон архайджытæ сын кæй æххуыс кæнынц, уæд сын уый сæ къухты баст райхалы. Æрцыд уымæ, æмæ кæцыдæр партиты къухдариуæггæнджытæ бацæуынц фæдагурджытæм, кæцытæ кусынц æртæ лæгмарды тыххæй хъуыддæгтыл, сæхи хæццæ кæнынц фæдысгæрсты æмæ сыл æндавынц», – банысан кодта Бибылты Анатоли.
Уый банысан кодта, зæгъгæ, уыимæ иумæ у арæзт компани Хуссар Ирыстоны къухдариуæгады дискредитаци кæныны фæдыл, кæцытæ бындуриуæг кæнынц фейктæ æмæ дам-думтыл.
Президент бахæс кодта Генералон прокуратурæ, Мидхъуыддæгты министрад æмæ Паддзахадон æдасдзинады комитетæн, цæмæй бакусой æппæт варианттыл æмæ ссарой фыдгæнджыты, кæцытæ æхстой Мидхъуыддæгты министрады сæргълæууæгы.
«Фыдракæнд раргом кæныныл контроль æз исын мæхимæ. Хæс уын кæнын, цæмæй оперативонæй хъусын кæнат ацы хъуыддаджы фæдыл фæдагурыны æппæт бакæнгæ куысты тыххæй», – загъта Президент.
Comments are closed, but trackbacks and pingbacks are open.