Куыд æрвылхатт, афтæ та ныр дæр Æвзæнгты республикон библиотекæйы кусджытæ сæ директор Тъотъоты Ленæйы сæргълæудæй нæ ахызтысты 2008 азы августы трагикон бонты фæрсты æмæ сæрмагонд къуым фотостенд сарæзтой ацы хæсты фæмардуæвджыты рухс нæмттæ æрымысыны сæраппонд.
Фотостенды фенæн уыд куыд фæмардуæвджыты къамтæ, афтæ сыгъд æмæ пырх хæдзæртты, афтæ цæрджытæ ныккæндты цы бонтæ æмæ æхсæв-тæ æрвыстой, уыцы уæззау уавæртæ æвдисæг къамтæ дæр. Фотостенды бын æвæрд цыдысты алыгъуызон газеттæ, кæцыты мыхуыр æрцыдысты августы хæсты фæдыл æнæмсæр хæсты тыххæй фыст æмдзæвгæтæ. Афтæ ма Гергиты Валери фæсхæст йæ коллективимæ сыгъд Цхинвалмæ куы æрцыд, уый фæдыл æрмæджытæ æмæ къамтæ. Ам ма базонгæ уæвæн уыдис 2008 азы августы хæсты хроникæимæ, журналист Харебаты Батрадзы арæзт чиныг «Русские в Южной Осетии»-имæ.
Ныртæккæ скъоладзаутæ кæд сæрдыгон улæфтыты сты, уæддæр арæх бацæуынц библиотекæмæ æмæ ахæм мадзæлтты руаджы рæзгæ фæлтæр зонгæ кæнынц, сæ Райгуырæн зæххыл цы трагикон цаутæ æрцыд гуырдзыйы аххосæй, уыдонимæ.
Джиоты Екатеринæ
Comments are closed, but trackbacks and pingbacks are open.