Хæрзаудæн фонд «Подари крылья»-йы президент Цхуырбаты Татьянæ куыд радзырдта, афтæмæй февралы райдианы Цхинвалы сахъатджын сывæллæттæн бакондæуыдзæн коррекцион кълас æмæ кусдзæн хæрзаудæн фонд «Подари крылья»-йы базæйыл.
Уый куыд загъта, афтæмæй Цхинвалы скъола-интернаты базæйыл æнгæс къласc нтыстджынæй кæй кусы, уымæ нæ кæсгæйæ, «Подари крылья»-йы фондмæ æрбацыд бирæнымæц куырдиаттæ, сæ рæзты фæстейæ чи зайынц, уыдон ныййарджытæй, сæрмагондæй Дауны синдром æмæ аутизмæй рынчын сывæллæттæн.
Йæ ныхæстæм гæсгæ, хæрзаудæн фонды офисы ныридæгæн хæрзарæзт æрцыдысты къласы хатæн æмæ улæфæн зонæ, ифтонг сты æнæмæнгхъæуæг инвентарæй.
«Райдианы уал коррекцион кълас кусдзæн фонды офисы. Сывæллæттимæ кусдзæн, ахæм категорийы сывæллæттимæ куысты методикæимæ æмæ куыстытимæ зонгæ чи у, ахæм квалификациджын психолог. Ахуыртæ уагъд цæудзысты индивидуалонæй, уый фæстæ дæр та сæ адих кæндзысты къордтыл», – банысан кодта фонды сæрдар.
Сывæллæтты хæрзаудæн фонд «Подари крылья»-йы сæргълæууæг бузныг у, йæ фонды архайдæн чи æххуыс кæны, уыдонæй.
«Фонды царды хайад чи исы æмæ сывæллæттæн чи æххуыс кæны, уыдонæй алкæмæй дæр мах бузныг стæм. Уыцы адæймæгтæ сты стыр зæрдæйы хицау. Сæрмагондæй мæ бузныг зæгъын фæнды бизнесмен Цхуырбаты Иналæн. Уый финансон æххуысы фæрцы баконд æрцæудзæн коррекцион кълас, кæцы стыр пайда æрхæсдзæн рынчын сывæллæттæн æмæ сæ ныййарджытæн. Уымæй дарддæр бузныг стæм амалиуæггæнæг Цхуырбаты Джинойæ, кæцы нын балæвар кодта, бирæ рæстæджы дæргъы цæмæ æнхъæлмæ кастыстæм, нæ офисæн уыцы хатæн. Ацы хатæны уыдзæн коррекцион кълас», – банысан кодта фонды сæргълæууæг Цхуырбаты Татьянæ.
Уый куыд агъта, афтæмæй коррекцион къласмæ сывæллоны бакæнын алкæмæн дæр йæ бон у.
ИА «Рес»
Comments are closed, but trackbacks and pingbacks are open.