Республикæ Хуссар Ирыстоны Хицауады Сæрдар Пухаты Эрик районты администрацийы сæргълæуджытæн, Финансты министрады æмæ æндæр ведомствоты минæвæрттæн ауагъта кусæгон æмбырд, цыран уынаффæ кодтой кредитон æхцайы фæрæзтæ фæстæмæ раздахыны фарстайыл, кæцытæ хицæн æрцыдысты 2010 азы республикæйы районты амалиуæгад райрæзын кæнынæн.
Иумæйагæй Цхинвалы, Дзауы, Знауыры æмæ Ленингоры районты администрацитæн хицæн æрцыд 40 милуан сомы – 10 милуан сомы алкæцы администрацийæн. Æфстаудæтджытæ æнæпроцентон ссудæтæ хъуамæ бафыстаиккой 2013 азмæ, фæлæ кредиттæн сæ фылдæр рæстæгыл фыст не ‘рцыдысты. Уый фæстæ 2016 азы фидинаг хæсты реструктуризаци дæр хъæуæг фæстиуджытæ не ‘рхаста.
«Абоны бон 2010 азы паддзахадæн æхцайы фæрæзтæ фæстæмæ раздахыны процент у цъус. Куыд æй зонут, афтæмæй Президент Бибылты Анатоли Хицауадæн бахæс кодта, цæмæй кредиттæ фæстæмæ раздахынæн уавæртæ арæзт æрцæуа, кæцытæ æрвыст æрцæудзысты льготон кредиттæ радтыны Фондмæ амалиуæгады дарддæры рæзтæн.
Æнæмæнгхъæуæг у сæвзæргæ ситуацийæ рахизæн фæндаг ссарын æмæ кредиттæ фæстæмæ раздахыны механизмтыл бакусын, афтæ, цæмæй æфстаудæтджытæ сæ финансон хæстæ сæххæст кæной этапгай», – банысан кодта Пухаты Эрик.
РХИ-йы Президенты æмæ Хицауады пресс-службæ
Comments are closed, but trackbacks and pingbacks are open.