Республикæ Хуссар Ирыстоны Хицауады Сæрдар Бекъойты Геннади аугъта электроэнерги технологон æгъдауæй сафын фæкъаддæр кæнын æмæ электроэнерги хардз кæныны фиддонтæ æмбырд кæныны æмвæзад фæхуыздæр кæныны фæдыл æхсæнведомствойон кусæгон къамисы рабадт.
Рабадты хайад райстой Паддзахадон унитарон куыстуат «Энергоресурс-Южная Осетия»-йы генералон директор Гæбæраты Алан, Экологон, технологон æмæ арæзтадон цæстдарды фæдыл комитеты сæрдар Къуылыхты Таймураз, Сæудæджерад, транспорт æмæ энергетикæйы фæдыл комитеты сæрдары хæстæ æххæстгæнæг Коцты Петр, Стандартизаци æмæ метрологийы фæдыл комитеты сæрдар Цхуырбаты Зауыр, æндæр профилон службæтæ æмæ ведомствоты къухдариуæггæнджытæ.
Рабадты ахсджиагдæр темæтæй иу уыд электроэнергийы фæдыл фиддонты æмбырдтæ фæхуыздæр кæныны фарст.
Бекъойты Геннади загъта, зæгъгæ, æнгомæй кусын хъæуы куыд цæрджытимæ, афтæ энергоресурсы æввонггæнджытæ æмæ бюджетон организациты къухдариуæггæнджытимæ.
«Электроэнерги техникон æгъдауæй сафын фæкъаддæр кæныны программæ реализаци кæныны æмрæнхъ æнæмæнгхъæуæг у хъус æрдарын фиддонтæ æмбырдкæнынад фæхуыздæр кæныны фарстмæ, уымæн æмæ республикæйæн ныры онг дæр ис хæстæ энергоресурсты уæрæсейаг æввонгæнджыты раз. Республикæйы газификаци адарддæр кæныны ныфсимæ, мах хъуамæ фæхуыздæр кæнæм фиддонон дисциплинæ, куыд физикон, афтæ юридикон адæмæй», – банысан кодта Хицауады сæргълæууæг, æмæ загъта, зæгъгæ, социалон ориентирон тарифон политикæ арæзт у ахæм хуызы, цæмæй алы æмбæстагæн дæр йæ бон суа Цæрæнуатон-коммуналон хæрдзтæ бафидын.
Рабадты хайадисджытæ æруынаффæ кодтой электроэнергийы хыгъды прибортæ планон æгъдауæй басгарыны актуалон фарстытæ, иварон санкцитæ (пенитæ) юридикон æмæ физикон адæмæн фиддонтæ æмгъуыдыл ма бафидыны фæдыл.
Хицауады Сæрдар бахæс кодта, цæмæй сæрмагонд адæмæн электроэнергийæ ифтонг кæныны публикон бадзырды проектыл бакусой, кæцытæн нæй, цы хæдзæртты цæрынц, уыдонæн барадон документтæ, сфидар кæнын юридикон адæмы электроэнерги хардз кæныны хыгъды приборты басгæрст ауадзыны плæнттæ-графиктæ (сæудæджерадон объекттæ æмæ куыстуæттæ, æхсæнадон хæлцады объекттæ), афтæ ма республикæйы сæрмагонд сектор.
Уымæй уæлдай ма бахæсгонд æрцыд, цæмæй Хицауадмæ æрбавдисой куыд юридикон, афтæ физикон адæмы хардз электроэнергийы хыгъды прибортæ уый размæ басгæрсты фæстиуджыты фæдыл информаци.
Паддзахадон унитарон куыстуат «Энерго-ресурс-Южная Осетия» æмæ Сæудæджерад, транспорт æмæ энергетикæйы фæдыл комитетæн бахæс æрцыд, цæмæй ацы азы 2-æм апрелмæ бакусой æмбæстæгты алыгъуызон категориты базæтæ саразыны фæдыл къахдзæфтыл, уыцы нымæцы социалон æгъдауæй æнæхъахъхъæдцæуæг, кæцытæн хицауад радта льготæтæ хардз электроэнерги бафидыны фæдыл, афтæ ма иу мæйы мидæг электроэнерги хардз кæныны гуырахстыты фæдыл информаци.
Comments are closed, but trackbacks and pingbacks are open.