Ацы аз 1-æм февралæй республикæйы æртаджы аргъ фæкъаддæр фондз сомы. Уый тыххæй фехъусын кодта РХИ-йы Хицауады Сæрдары хæдивæг – Экономикон рæзты министр Бекъойты Геннади.

«Экономикон рæзты министрадæн Президент Бибылты Анатоли цы хæслæвæрд радта, уый сæххæст кæныны сæраппонд мах бакуыстам механизмтæ, кæцытæ фадат дæттынц æртаг-сæрдæн æрмæджыты аргъ фæкъаддæр кæнынæн. Ныридæгæн, знон паддзахадон унитарон куыстуат «Югоснефтепродукт»-ы æртагкæнæн станцы бензины иу литры аргъ цæрджытæн уыд 35 сомы, дизелон æртаджы аргъ та – 41 сомы. РХИ-йы Экономикон рæзты министрад оперативонæй йæ хъус дары æртаджы аргъимæ баст æддагон базары ивындзинæдтæм. Æввахс рæстæджы æргътæ нæ фæфылдæр уыдзысты, фæлæ фæстæдæр гæнæн ис схизой. Уымæ гæсгæ нæ хъус лæмбынæг дарæм æмæ бацархайдзыстæм, цæмæй дарддæр дæр æргътæ ма фæфылдæр уой. «Югоснефтепродукт» æртаг-сæрдæн æрмæджыты паддзахадон регулятор кæй у, уымæ гæсгæ сæрмагонд амалиуæггæнджытæ дæр уымæ кæсгæйæ, сæвæрдзысты ахæм æргътæ», – банысан кодта Бекъойты Геннади.

Уый ма йæ ныхасмæ бафтыдта, зæгъгæ, «Югоснефтепродукт» 2017 азы кæронæй рахызт, пайда чи нæ хаста ахæм организацийæ ныр стабилон æгъдауæй чи кусы, ахæм æфтиагджын куыстуатмæ, кæцы пайда хæссы паддзахадон къазнæмæ.

 

РХИ-йы Хицауады

 пресс-службæ

Ацы æрмæджытæ дæр бакæс:

Æртаг-сæрдæн æрмæджыты æргътæ хъуамæ фæкъаддæр уой Default ThumbnailÆртаджы æргъты рæзт æндавынц транспорты куыстыл æмæ… бинонты бюджетыл Default ThumbnailÆртаг-сæрдæн æрмæджыты аргъ бирæ къаддæр уыдзæн Цæгат Кавказимæ абаргæйæ Default ThumbnailХуссар Ирыстон рæзын кæны йæ инвестицион хъомыс РХИ-йы Хицауады Сæрдар Хъуылымбегты Доментийы хыгъд парламенты сессийы 2015 азы бакæнгæ куысты тыххæй

Comments are closed, but trackbacks and pingbacks are open.