Ацы аз майы мæйы эксплуатацимæ лæвæрд æрцæудзæн Дзауы скъола-интернат, – хъусын кæны Дзауы районы администрацийы сæргълæууæг Магкоты Уырызмæг.
Йæ ныхæстæм гæсгæ, бæстыхайы цалцæггæнæн куыстытæ райдыдтой ивгъуыд аз ноябры мæйы. РХИ-йы Президент Бибылты Анатолийы æххуысæй скъолайы цалцæггæнæн куыстытæм æрбаконд æрцыд «Международный расчетный банк». Абоны бон цалцæггæнæн куыстытæ сты фæуынхъус.
«Ныртæккæ скъола цæуы косметикон цалцæг, æвæрд дзы цæуы хъармгæнæн системæ», – загъта районы администрацийы сæргълæууæг.
Уый банысан кодта, зæгъгæ, хæрзарæзт æрцæудзæн скъолайы территори дæр. «Ам арæзт æрцæдузæн мини-футбол, волейбол æмæ баскетболæн комбинацион фæзуат», – бамбарын кодта Магкойы фырт. Уымæй дарддæр ма скъолайы цур районы тыхтæй арæзт æрцыд артгæнæн, кæцы æнæкъуылымпыйæ хъæрмадæй ифтонг кæндзæн ахуыргæнæн кълæсты.
«Скъолайы централон æрбацæуæны мах сæвæрдзыстæм Хетæгкаты Къостайы цырт. Скъолайы цур план цæуы фæлварæн зæххы фадыг саразын, куыд советон рæстæджы, афтæ, æмæ дзы таудзыстæм картоф», – загъта уый.
Уæ зæрдыл уын лæууын кæнæм Дзауы скъола-интернаты бæстыхайы дыккаг уæладзыг кæй басыгъд 2014 азы телты аныдзæвды фæстиуæгæн. Цалцæггæнæн куыстытæ æххæст кæныны рæстæджы интернаты хъомылгæнинæгтæ раконд æрцыдысты Дзауы астæуккаг скъоламæ, цыран сын арæзт æрцыд æппæт æнæмæнгхъæуæг уавæртæ.
Comments are closed, but trackbacks and pingbacks are open.