Донецкы Адæмон Республикæйы Сæргълæууæг Денис Пушилин Президент Бибылты Анатолимæ æрæрвыста тел, Республикæ Хуссар Ирыстоны цы уавæр сæвзæрд, уый фæдыл.
Телы сæрмагондæй дзырдæуы:
«Цытджын Президент!
Сæ райгуырæн зæххæн иузæрдион патриоттæ – алы бæстæйæн дæр стыр æргъадтæ, йæ сæйраг кусæг æмæ змæлæг тых сты. Хуссар Ирыстоны зæхх хъæздыг у иузæрдион фырттæ æмæ чызджытæй, кæцытæ сæ тых дæттынц йæ хæрзиуæг æмæ йæ дидинæфтыды тыххæй. Ды, куыд Республикæ Хуссар Ирыстоны æцæг патриот, дæ цард паддзахадæн лæггад кæнынæн снывонд кæнгæйæ, барадмæ æмæ адæмы фæндонмæ гæсгæ кусыс стыр бынаты – Республикæ Хуссар Ирыстоны Президентæй.
Паддзахадон службæйы æппæт азты дæргъы Райгуырæн бæстæйыл дæ иузæрдиондзинад, профессионализм, авторитетыл ничи фæдызæрдыг уыдзæн, Хуссар Ирыстоны адæм, дæ фæсарæйнаг партнертæ æмæ хæлæрттæ дыл кæй æууæндынц, уый та у æнæфæцудгæ.
Мæн фæнды зæгъон дын мæ фарсхæцынад, афтæ ма дын равдисон, фидарæй дыл кæй æууæндын, Республикæ Хуссар Ирыстоны цы дызæрдыггаг уавæр сæвзæрд, уый тагъд рæстæджы æнтыстджынæй кæй аскъуыддзаг кæндзынæ, æмæ уæ диссаджы бæстæ стабилон рæзты æмæ дидинæфтыды фæндагмæ кæй раздæхдзæн».
Comments are closed, but trackbacks and pingbacks are open.