Æрæджы нæ горæты мидхъуыддæгты управленийы кусджытæ оперативон-агурæн мадзæлттæ ауадзыны фæстиуæгæн баурæдтой зæрдæхсайгæ автомашинæ «Лада Приора». Автотранспорты арвыстой иумæйаг информацион-координацион центры экспертмæ, кæцы сбæлвырд кодта хæдтулæджы VIN-код æмæ уымæ гæсгæ та йе ‘цæг хицауы. Куыд рабæрæг, афтæмæй ацы автомашинæ давд æрцыд 2014 азы Стъараполы крайы æмæ йæ уæдæй фæстæмæ агурынц барадхъахъхъæнæг органтæ. Уыдис ын цалдæр хицауы, фæстагмæ та йæ балхæдта нæ республикæйы æмбæстаг.
Мидхъуыддæгты министрад сиды не ‘мбæстæгтæм, цæмæй хæдтулгæ æлхæны-ны рæстæджы лæмбынæг кæсой гæххæттытæм, уæйгæнæгмæ, домой юридикон гарантитæ æмæ бæлвырд кæной автомашинæйы истори. Не ‘мбæстæгтæ арæх фæвæййынц фæлитойты амæттаг æмæ афтид армæй аззайынц сæ автомашинæтæй дæр æмæ се ‘хцатæй дæр.
ДЖИОТЫ Алыксандр
