Президент Бибылты Анатоли раарфæ кодта Даниэл Ортегайæн Никарагуайы республикæйы Президенты бынатмæ ногæй æвзæрст кæй æрцыд, уый цытæн.
Арфæйы телы дзырдæуы:
«Цытджын Президент!
Республикæ Хуссар Ирыстоны къухдариуæгад, йæ адæм æмæ дын сæрмагондæй мæхи номæй арфæ кæнын Никарагуайы республикæйы Президенты бынатмæ ногæй æвзæрст кæй æрцыдтæ, уый цытæн.
Ауадзгæ æвзæрстыты дæ уæлахиз равдыста бæстæйы раз де сгуыхтдзинæдты æхсæнадон банымад, адæмы бæрзонд æууæнкдзинад æмæ дæ программæйы фарс кæй сты, кæцы здæхт у бæстæйы æппæтварсон рæзтмæ æмæ йе ‘мбæстæгты интерестæн дзуапп кæнгæйæ.
Президентон æмæ парламентон æвзæрстыты хатдзæгтæ ногæй бæлвырд кæнынц дæ авторитет æмæ хицауиуæггæнæг парти «Националон сæрибардзинады Сандинистаг фронт»-ы ахсджиаг нысаниуæг эффективон паддзахадон политикæ æххæст кæныны хъуыддаджы, кæцы æвдисы Никарагуайы æмбæстæгты бартæ æмæ интерестæ, кæцытæ стыр аргъ кæнынц фæстаг азты партийы æнтыстытæн.
Ныфс мæ ис, нæ иумæйаг тыхтæй нæ бæстæты ‘хсæн цы хæларадон ахастытæ сæвзæрд, уыдон дарддæр дæр кæй фидар кæндзысты æмæ рæздзысты.
Мæ цæст дын уарзы, цытджын Президент, фидар æнæниздзинад, ног æнтыстытæ æмæ банысангонд плæнтты реализаци, кæцытæ здæхт сты Никарагуайы республикæйы дидинæфтыдæн, æппæт никарагуайаг адæмæн та сабырад æмæ фæрныгад».
Comments are closed, but trackbacks and pingbacks are open.