Республикæ Хуссар Ирыстоны Президент Бибылты Анатоли раарфæ кодта УФ-йы Хицауады Сæрдар Дмитрий Медведевæн йæ гуырæн боны цытæн.
Арфæйы телы дзырдæуы:
«Цытджын Дмитрий Анатолийы фырт!
Айс иууыл зæрдиагдæр арфæтæ дæ гуырæн боны цытæн.
Дæ куысты фæстиуджытæ кæцыфæнды бынаты дæр алы хатт дæр дзуапп кодтой æмæ дзуапп кæндзысты профессионализмы бæрзонд страндарттæн, Уæрæсейы Федерацийы рæзт æмæ дидинæфтыдæн хорз фæстиуджытæ хæсгæйæ. Дæу æнæфæивгæйæ хицæн кæны иттæг хорз организаторон курдиат æмæ бæрндзинады стыр æнкъа-рæн Фыдыбæстæйы хъысмæтыл.
Хуссар Ирыстоны стыр аргъ кæнынц дæ æдзухон хъусдардæн, Республикæ Хуссар Ирыстоны паддзахаддзинад сæндидзын æмæ рæзын кæныны хъуыддагмæ стыр хайбавæрд бахæссынæн. Сабырад, сомбоныл æууæнк нæ паддзахады дунеон банымад – æппæт адæттæ арæзт æрцыдысты дæ фидар уынаффæйæ. 2008 азы 26 август Ирыстоны адæмæн алы хатт дæр баст уыдзæн дæ паддзахадон архайæджы номимæ, кæцыйæн йæ бон у геополитикон масштабы хъысмæтон уынаффæтæ исын.
Дызæрдыггаг нæу, дæ æдзухон хайадистæй Республикæ Хуссар Ирыстон æмæ Уæрæсейы Федерацийы ‘хсæн æмархайад дарддæры рæзты кæй райсдзæн ног импульс.
Дæ гуырæн боны дын, цытджын Дмитрий Анатолийы фырт, мæ цæст уарзы фидар æнæниздзинад, фæрныгад æмæ дарддæры æнтыстытæ дæ паддзахадон архайды Уæрæсейы бирæнацион адæмы хæрзиуæгæн».
***
Республикæ Хуссар Ирыстоны Хицауады Сæрдар Пухаты Эрик раарфæ кодта УФ-йы Хицауады Сæрдар Дмитрий Медведевæн йæ гуырæн боны цытæн.
Арфæйы телы дзырдæуы:
«Цытджын Дмитрий Анатолийы фырт!
Айс иууыл зæрдиагдæр арфæтæ дæ гуырæн боны цытæн.
Ды æппæт дæ зонындзинæдтæ æмæ тыхтæ лæвар кæныс Уæрæсейы рæзтæн масштабон программæтæ реализаци кæнынæн, æмбæстæгты царды æмвæзад фæбæрзонддæр кæнынæн, æхсæнады консолидацийæн.
Къухдариуæггæнæджы стыр фæлтæрддзинад, профессионализм, рæстæджы домæнты æмбарынад дын эффективонæй æххуыс кæнынц алыгъуызон планон фарстытæ скъуыддзаг кæнынæн, уыдоны нымæцы нæ республикæйы социалон-экономикон рæзты фарстытæ.
Хуссар Ирыстон тырны Уæрæсеимæ æмгуыстады æмæ интеграцийы ахастытæ рæзын æмæ фæарфдæр кæнынмæ, кæцыйæн æвдисæн у æхсæнпаддзахадон æмæ æхсæнхицауадон сразыдзинæдты æнæхъæн рæнхъыты активон æмархайд.
Ныфс мæ ис, дæ зонындзинæдтæ, уды хъæддыхдзинад æмæ удуæлдайдзинад дарддæр дæр здæхт уыдзысты ахсджиаг политикон æмæ социалон-экономикон фарстытæ скъуыддзаг кæнынмæ Стыр Уæрæсейы хæрзиуæгæн.
Мæ цæст дын уарзы фидар æнæниз-дзинад, бинонты фæрныгад æмæ иууыл хуыздæр фæндиæгтæ!».
АРФÆ – ХÆДБАРДЗИНАДЫ БОНЫ ФÆДЫЛ
Республикæ Хуссар Ирыстоны Президент Бибылты Анатоли раарфæ кодта Никарагуайы Президент Даниэль Ортегайæн Республикæ Никарагуайы хæдбардзинады боны цытæн.
Арфæйы телы дзырдæуы:
«Дæ Бæрзонддзинад!
Æрвитын дын Республикæ Хуссар Ирыстоны адæм, къухдариуæгад æмæ сæрмагондæй мæхи номæй иууыл зæрдиагдæр арфæтæ Республикæ Никарагуайы национ бæрæгбон – Хæдбардзинады боны цытæн.
Абон республикæ фидарæй цæуы размæ, рæзын кæны экономикæ, æхсæнадон царды æппæт фадгуытæ хуыздæр кæнгæйæ, йе ‘мбæстæгты царды æмвæзад бæрзонддæр кæны. Активон, æнгом фæллойады аккаг фæстиуджытыл бындуриуæггæнгæйæ, уый цæуы стабилондзинад æмæ æндидзынады фæндагыл, Никарагуайы зæххыл иудзинад æмæ æмзæрдæдзинад фидар кæны.
Ныфс мæ ис, Хуссар Ирыстон æмæ Республикæ Никарагуайы ‘хсæн политикон контакты бæрзонд æмвæзад æмæ динамикæйы ахсджиагдзинадæй. Афтæ нымайын, æмæ нæ бæстæты ‘хсæн бастдзинæдтæ фæд-фæдылонæй фидар кæнын ахъаз уыдзæн хуссарирыстойнаг-никарагуайаг æмгуыстады æппæт здæхтыты дарддæры рæзтæн.
Ацы нысаниуæгджын боны мæ цæст уарзы дæуæн æмæ дæ номæй Никарагуайы æппæт æмбæстæгтæн фидар æнæниздзинад, сабыр арвы бын царды фæндиæгтæ, дидинæфтыд æмæ стабилондзинад».
АРФÆ – ХЪÆДЫ ХÆДЗАРАДЫ КУСДЖЫТÆН
Зынаргъ хæлæрттæ!
Айсут мæ арфæтæ Хъæды хæдзарады кусæджы боны цытæн!
Хъæд у Хуссар Ирыстоны æрдзон æнæсаргъгæнгæ хæзна – алфæмблай, дунейы æдасдзинад æмæ нæ республикæйы экономикон стабилондзинады бындур.
Хъæды хæдзарады кусджытæ сты бæрзонд квалификацийы специалисттæ. Уæ удуæлдай куыст, профессионализм æмæ куыстмæ цæсгомджын ахастыты фæрцы хъахъхъæд æмæ дывæр цæуынц хъæды хæзнатæ, æххæст æрцыд Хуссар Ирыстоны хъæды массивтæй рационалон æгъдауæй пайда кæнын, хъахъхъæнын æмæ сæ сахуыр кæнынмæ эффективон ахаст.
Ныфс мæ ис, сымах дарддæр дæр кæй кæндзыстут хъæд бахъахъхъæныны куыст, уæ зонындзинæдтæ, фæлтæрддзинад æмæ равзаргæ хъуыддагæн æнувыддзинад дарддæр дæр лæггад кæндзысты Фыдыбæстæйы хæрзиуæгæн.
Ацы нысаниуæгджын боны уын мæ цæст уарзы æнтыстытæ, æнæниздзинад, амонд æмæ фæрныгад сымахæн æмæ уæ бинонтæн!
Бæрæгбоны хорзæх уæ уæд!
АРФÆ – САНИТАРОН-ЭПИДЕМИОЛОГОН СЛУЖБÆЙЫ КУСДЖЫТÆН
Зынаргъ хæлæрттæ!
Айсут мæ арфæтæ санитарон-эпи-демиологон службæйы кусæджы боны цытæн!
Санитарон-эпидемиологон службæ Хуссар Ирыстоны æнæниздзинад хъахъхъæныны системæйы ахсы сæйрагдæр позицитæй сæ иу. Æхсæнады цардархайды æппæт фадгуытæ ахсгæйæ, службæйы кусджытæ цæсгомджынæй ифтонг кæнынц профилактикон медицинæйы фадыджы паддзахадон политикæ реализаци кæнын, архайынц не ‘мбæстæгты æнæниздзинад æмæ куыстхъомдзинад хъахъхъæныныл, хъахъхъæнынц сæ тæссаг инфекцион низтæй. Службæйы сæйраг хæс у адæмы хъахъхъæнын эпидемитæ æмæ низтæй, æмæ уæ равзаргæ фæндаг та у РХИ-йы национ æдас-дзинады бындур. Бузныг уын зæгъын уæ удуæлдай куысты тыххæй. Ныфс мæ ис, сымах дарддæр дæр цæсгомджынæй кæй æххæст кæндзыстут уæ разылæууæг хæстæ, уæ архайды хатдзæг та уыдзæн нæ республикæйы цæрджыты санитарон-эпидемиологон фæрныгад.
Ацы нысаниуæгджын боны уын мæ цæст уарзы фидар æнæниздзинад, æвидигæ энерги, дарддæры æнтыстытæ, сабырад æмæ дидинæфтыд уæхицæн æмæ уæ бинонтæн!
Бæрæгбоны хорзæх уæ уæд!
Comments are closed, but trackbacks and pingbacks are open.