Президент Бибылты Анатоли раарфæ кодта Даниэл Ортегайæн Республикæ Никарагуайы Президенты бынатмæ ногæй нысан кæй æрцыд, уый цытæн.
Арфæйы телы дзырдæуы:
«Цытджын Президент!
Республикæ Хуссар Ирыстоны адæм, йæ къухдариуæгад æмæ дын сæрмагондæй мæхи номæй арфæ кæнын Республикæ Никарагуайы Президенты бынатмæ официалонæй нысан кæй æрцыдтæ, уый цытæн.
Республикæ Никарагуайы адæм аккагæй саргъ кодтой энерги æмæ хъæддыхдзинадæн, кæцы къухдариуггæнæг парти «Сандинистон националон сæрибаргæнæг фронт æххæст кæны йæ политикон курс, скъуыддзаг кæны æнæаргъæвгæ хæстæ, кæцытæ лæууынц Республикæ Никарагуайы раз. Бæстæйæн æмæ адæмæн, Сандинистон революцийы идеалтыл æнувыддзинад, экономикæйы, паддзахады социалон политикæйы рæзт æркодтой æвзæрстыты фидар уæлахизмæ.
Ныфс мæ ис, никарагуайаг адæмы уæрæх æххуыс, дæ политикон бар, паддзахадон архайæджы уæрæх фæлтæрддзинад, бæстæйы дидинæфтыдмæ æмæ алы æмбæстаджы фæрныгадмæ тырнындзинад, прагматикон ахаст æмæ нысанмæтырнындзинад фадат кæй ратдзæн адæмы хæрзиуæгæн Никарагуайы хъæздыг хъомысадæй спайда кæнын æмæ бæстæйы рæзты ног æмвæзадмæ ракæнынæн.
Мæхи фарсæрдыгæй, ныфс æвæрын, цытджын Президент, Хуссар Ирыстоны стыр аргъ кæй кæнынц Республикæ Никаргуаимæ хæлардзинадæн æмæ нæ бæстæты ‘хсæн æмгуыстадæн.
Мæ цæст дын уарзы, фидар æнæниздзинад, æвидигæ энерги, ног æнтыстытæ æмæ æппæт плæнтты реализаци, æппæт никарагуйаг адæмæн та сабырад, æнтыстытæ æмæ фæрныгад».
Comments are closed, but trackbacks and pingbacks are open.