Цæрджытæн медицинон лæггæдтæ хизынц ног æмвæзадмæ

Информацион агентад Sputnik-ы пресс-центры уагъд æрцыд тымбыл фынг  интеграцион æмгуыстады фæлгæтты æнæниздзинад хъахъхъæныны рæзты сæраппонд, цыран хайад райстой  медицинæйы фадыджы Уæрæсейæ æрхонгæ специалисттæ: РХИ-йы Æнæниздзинад хъахъхъæныны фарстаты фæдыл Уæрæсейы Федерацийы уынаффæгæнæг Игорь Галь, реабилитацийы фадыджы уæрæсейаг специалист Светлана Старцева, эндоскопийы фадыджы уæрæсейаг специалист Илья Суровцев, неврологи æмæ психиатрийы фадыджы уæрæсейаг специалист Эдуард Амерханов, сывæллæтты хирургийы фадыджы уæрæсейаг специалист Алексей Бубен, сывæллæтты реаниматологи æмæ неонтологийы фадыджы уæрæсейаг специалист Артем Осипов æмæ патологион анатомийы фадыджы уæрæсейаг специалист Сергей Грузднев.  Уыдонæй алчидæр хатдзæгтæ сарæзта Хуссар Ирыстоны сæ куыстæн æмæ радзырдтой республикæйы медицинæйы æнтыстыты тыххæй, афтæ ма  сæ куысты рæстæджы Хуссар Ирыстоны медицинæйы цы æвæрццаг ивындзинæдтæ банкъардæуыд, уыдæттыл.

«Медицинæйы фадыджы интеграцион æмгуыстад цæуы интенсивонæй. Фæстаг азты тынг бирæ арæзт æрцыд медицинæйы размæцыды хъуыддаджы.  Арæзт æрцыд сывæллæтты рынчындоны комплекс, операцион-хирургион комплекс, активон куыст цæуы гуырæн хæдзары арæзтадыл дæр, фактон æгъдауæй арæзт фæцис медицинон-социалон центры арæзтад, кæцы Хуссар Ирыстоны медицинæйы ракæндзæн ног гъæдджын æмвæзадмæ. Банысан кæнын мæ фæнды уый дæр, æмæ Хуссар Ирыстоны национ æнæниздзинад хъахъхъæныны нывæзат 2025 азмæ арæзт кæй æрцыд», – банысан кодта РХИ-йы Æнæниздзинад хъахъ-хъæныны фарстаты фæдыл Уæрæсейы Федерацийы уынаффæгæнæг Игорь Галь.

Реабилитаци

Реабилитацийы фадыджы уæрæсейаг специалист Светлана Старцева радзырдта, республикæйы цы æмгъуыд кусы, уыцы рæстæджы йæ къабазы æвæрццагæй арæзт цы æрцыд, уыдæтты фæдыл.«Скуыста медицинон реабилитацийы фадыг, цыран ис хосгæнæн физкультурæйы егъау зал, бассейн, кæцы баххæстгонд ифтонгадимæ скусдзæн æввахс бонты.Ис нын сæрмагонд филиал, кæцы хуыйны «Филиал медицинской реабилитации и спортивной медицины». Ис нæм бирæ кадртæ – дохтыртæ, инструктортæ. Иумиагæй сисгæйæ, службæ кусы хорз æмæ ног азæй та ноджы фæхуыздæр уыдзæн»,- банысан кодта Светлана Старцева.

Патологон анатоми

Ацы фадыджы дæр фæстаг азты æрцыд ахадгæ ивындзинæдтæ. Фыццаджыдæр, уыдон баст сты РХИ-йы Æнæниздзинад хъахъхъæныны нормативон-барадон документтæ саразынимæ республикæйы закъондæттынады бындурыл. Министрадимæ арæзт æрцыд цалдæр бардзырды, кæцытæ фидар кæнынц æрмæджыты раиртасыны фæтк. Бирæ азты фæстæ Хуссар Ирыстоны сног кодтой патологон-анатомон ахуыртæ, кæцытæ фадат дæттынц мæлыны аххосæгтæ раргом кæнынæн. «Иртæст цæуынц мæлыны аххосæгтæ æмæ, гæнæн уæвгæйæ, мæлæтæй бахизыны фадæттæ. Къамис басгары мæлындзинады аххосæгтæ. Ныр æнхъæлмæ кæсæм ног ифтонгадмæ, кæцы феххуыс уыдзæн ацы фадыджы иртасæн куыстытæн», – загъта Сергей Грузднев.

Неврологи æмæ психиатри

Неврологи æмæ  психиатрийы фадыджы уæрæсейаг специалист Эдуард Амерханов сæй-раг проблемæтæй иуыл банымадта нормативон-барадон базæйы хъæндзинæдтæ. «Неврологийы ацы категорийы пациенттæ хуымæтæг не сты. Бацæттæ æрцыд закъоны проект психиатрион æххуысы æмæ адæмы бартæ æмæ гарантиты фæдыл медицинон æххуыс райсыны тыххæй.Мах ныридæгæн фæстиат кæны закъон райсыны процесс.

Ацы пациентты хъæуы социалон гарантитæ, æвджидады проблемæтæ, хъæуы æмбæлон нормативон-барадон акттæ бакусын, кæцытæ æххуыс кæндзысты ацы закъоны проект среализаци кæнынæн. Иумиагæй сисгæйæ, куыд æнæниздзинад хъахъхъæныны министрады кусджытимæ, афтæ дохтыртимæ дæр бирæ арæзт æрцыд, фæлæ саразæн ис ноджы фылдæр. Инвестпрограммæйы фæлгæтты æвæрд æрцыд ахæм ифтонггарз, кæцы  у биохимикон анализатор, уый бæрæг кæны пациентты туджы метоболитты гъæд æмæ нымæц. Уымæ гæсгæ нæ бон уыдзæн контроль кæнын, препараты  концетраци, æмæ дзы дозæйæ фылдæр ма спайда кæнын. Кæд ацы ифтонггарз скуыста, уæддæр æнæмæнг у куыст фæтыхджындæр кæнын медицинон техникон лæггæдты фæдыл. Æрмæстæр уый фæстæ суыдзæн нæ бон пациенттæн алыварсон æххуыс бакæнын», – загъта Эдуард Амерханов.

Анестезиологи æмæ реаниматологи

Сывæллæтты реаниматологи æмæ анестезиологийы фадыджы уæрæсейаг специалист Артем Оси-пов банысан кодта неонатологийы къабазы хуссарирыстойнаг колле-гæтимæ æмахастыты прогресс.Йæ ныхæстæм гæсгæ, ивгъуыд азы вазыгджындзинæдтæ ноджы тынг-дæр æрбангом кодтой дохтырты æмæ ныртæккæ дæр æмархайды эффективондзинад у тынг бæрзонд.«Анестезиологи æмæ реаниматологийыл куы дзурæм, уæд бирæ-профилон медицинон центр саразыны фæстæ йе структурæйы арæзт æрцыд ног дæлхай – анестезиологи, реаниматологийы æмæ интенсивон терапийы центр.  Ацы структурæйы хæс у æрмæст критикон уавæры рынчынтæн æххуыс кæнын нæ, фæлæ интенсивон терапи кæй хъæуы, уыдонæн», – банысан кодта уый.

Эндоскопи

Эндоскопийы фадыджы дæр 2016 азæй фæстæмæ æрцыд ахадгæ ивындзинæдтæ, фæхуыздæр ис ифтонгад, фæуæрæхдæр персоналы нымæц дæр. «2017 азы мах ссардтам хорз специалист, фæлтæрд дохтыры, кæцы рацыд ахуыр эндоскопийы хаххыл. Ныртæккæ æз кусын хуссарирыстойнаг дыууæ дохтыр-эндоскопистимæ, кæцытæ регулярон æгъдауæй кусынц эндоскопийы кабинеты.  Уымæй дарддæр ма рауæрæх  медицинон хоты персонал дæр, кæцытæ ахуыр цæуынц куысты рæстæджы. Æрбалæугæ азы марты мæйы мах фæнд кæнæм арвитын медицинон персонал Санкт-Петербургмæ Æппæтуæрæсейон конференцимæ æмæ ацы горæты ноджы нæ медицинон кусджыты фæлтæрддзинад фæбæрзонддæр уыдзæн.Ацы аз ног операцион-хирургион комплекс кæй байгом, уымæ гæсгæ ныр кусджытæн ис æппæт уавæртæ дæр. Уымæй дарддæр ма медицинон кластер саразгæйæ эндоскопион службæ æрбаиу, кæцы фадат радта медицинон æххуыс бакæныны гъæд фæхуыздæр кæнынæн, куыд хистæр кары цæрджытæн, афтæ сывæллæттæн дæр. Мах фидæны фæнд кæнæм республикæйы уæвæг ресурстæй уæлдæр рационалон æмæ экономондæрæй спайда кæнын», – загъта уæрæсейаг специалист Суровцев.

Уый ма куыд банысан кодта, уымæ гæсгæ 2016 азы Хуссар Ирыстоны августы мæйæ абоны онг æххæст æрцыд эндоскопийы фадыджы цыппар мин басгæрсты, уыдонæн се ‘мбис æххæст æрцыд ацы аз.«Басгæрстгонд пациенты 95 проценты сты 18 азы карæй уæлæмæ. Уый канд диагоностикæ нæу – зæгъæн ис, 2016 азæй фæстæмæ кæй æрбиноныг кодтам хоскæнынад дæр. Бирæ ног процедурæтыл цадæггай ахуыр кæнынц хуссарирыстойнаг специалисттæ, сæ куысты уæлхъус ахуыр кæнгæйæ. Зæгъын ма мæ фæнды уый дæр æмæ æрбалæугæ азы Хуссар Ирыстоны уагъд кæй æрцæудзæн диспансеризаци.Мах нæ коллегæтимæ ныридæгæн кусæм хистæр кары адæмы æхсæн диспансеризаци ауадзыны нывæзтыл, кæцыйы фæлгæтты уагъд цæудзæн скрининг дæр.Фæнды мæ бахатын цæрджытæм, цæмæй активон хайад райсой диспансеризацийы æмæ сбæрæг кæной се ‘нæниздзинады уавæр», – загъта уый.

Игорь Галь куыд банысан кодта, уымæ гæсгæ Хуссар Ирыстоны алы уæрæсейаг специалист дæр кæны егъау куыст, ома, цæмæй алы фадыджы дæр республикæ рæза æмæ размæ цæуа, уый тыххæй уыдонæй алчидæр кусы хуссарирыстойнаг специалисттимæ, ногдзинæдтыл æмæ сæ фæлтæрддзинадыл ахуыр кæнгæйæ.Уымæн æмæ нырыккон технологийы ныббиноныг кæнын домы медицинон кусджыты квалификацийы æмвæзад фæбæрзонддæр кæнын.

Уæрæсейаг специалисттæ ма ахсджиагыл банымадтой республикæйы компьютерон томографон ифтонггарз скусын кæнын, уымæн æмæ уыцы æнæмæнгхъæуæг æххуыс мах фæагурæм республикæйæн æддейæ.Инвестпрограммæйы фæлгæтты ацы лабораторон ифтонгад æвæрд æрцыд, фæлæ йæ хъæуы скусын кæнын. Хъæуы специалист бацæттæ кæнын. Уый у проблемон фарст, кæцыйы мах хъуамæ аскъуыддзаг кæнæм æвæстиатæй. Банысан кæнын хъæуы уый дæр, æмæ ацы аз фæззæгæй, кæй дарддæр кæны æмбæстæгтæн УФ-йы медицинон фæдзæхст РХИ-йы æдзухон бындурыл цæрæг æмбæстæгтæн.Уыдон æрмæст медицинон полис нæ райсдзысты, фæлæ ма сын ис фадæттæ медицинон æххуыс райсынæн уыцы æнæмæнгхъæуæг медицинон лæггæдты фæлгæтты, кæцытæ нысан цæуынц Цæгат Ирыстоны æнæмæнгхъæуæг медицинон фæдзæхсты æмæ куы бахъæуа, уæд та – УФ-йы егъаудæр клиникæты.

Кокайты Заринæ