Цæгат Ирыстоны

«ЭЛЕКТРОЦИНК»-ы КУСДЖЫТÆН – КУСÆН БЫНÆТТÆ

Цæгат Ирыстоны 50 куыстуатæй фылдæр æркастысты, завод «Электроцинк»-ы раздæры кусджытæн ног бынæттæ ссарыны хæсмæ. Куыстуæттæ фехъусын кодтой, цы уæгъд бынæттæ сæм ис, уыдоны тыххæй. Ацы хъуыддагыл кусгæйæ, 31-æм июлы сараздзысты армукъа. Æдæппæтæй дзы уыдзæн 250 куысты бынатæй фылдæр.

Кæй фæнда, уымæн йæ бон у æрбацæуа æмæ хъæугæ ваканситы номхыгъд фена. Уæ зæрдыл уын æрлæууын кæндзыстæм, “Эл-ектроцинк”-ы зынгсирвæзты фæстæ æгуыстæй баззадысты 1128 адæймаджы. Армукъа саразыны хъæппæрис фæзынд хицауадон æмбырды. Амыдта йæ Битарты Вячеслав. Æдæппæтæй, заводы æгуыстæй чи баззад, уыдоны иу хай райстой Уралы хæххон металлургон компанимæ.

РАВДЫСТ «СФÆЛДЫСТАДОН АЛЬЯНС»

Равдыст «Сфæлдыстадон альянс»-ы баиу сты Уæрæсейы ныв-гæнджыты цæдисы уæнгты хуыздæр куыстытæ. Экспозицийы ис алы жанрты 100 нывæй фылдæр: нывкæнынад, скульптурæ, графикæ æмæ æрмдæсныйад. Ацы аз вернисажы архайы 14 авторы, 25 азæй 80 азы онг кæуыл цæуы, ахæмтæ. Равдысты цы куыстытæ равæрдтой, уыдон хаст æрцæу-дзысты аивадон альбоммæ. Баст уыдзæн Цæгат Ирыстоны нывгæнджыты цæдисы юбилейимæ. Ацы аз ыл æххæст кæны 80 азы.

Ацы ахсджиаг цауы фæдыл сын раарфæ кодтой Цæгат Ирыстоны Парламенты уæнгтæ æмæ меценаттæ.

Нывгæнджыты цæдис Цæгат Кавказы нымад у æппæтæй егъаудæрыл. Йæ рæнхъыты ис 200 адæймаджы. Юбилейы кадæн арæзт цæудзысты бæрæгбоны мадзæлттæ. Фыццаджыдæр, кæй зæгъын æй хъæуы, ирд æмæ зæрдæмæдзæугæ экспозицитæ.

ИРОН БÆГÆНЫЙЫ ÆРВЫЛАЗОН КОНКУРС АРÆЗТ ÆРЦЫД ФРАНЦЫ

Ирон бæгæныйы æрвылазон конкурс арæзт æрцыд Францы. Мадзалы архайы 40 бæгæныфыцæджы – Париж, Лилл, Орлеан æмæ Францы æндæр горæтты ирон минæвæрттæ. Конкурсы равæрдтой ирон бæгæныйы фондз хуызы. Сарæзтой йæ компаниты къорд «Бавария», республикæйы культурæйы министрад æмæ традицион культурæ æмæ этнотуризмы центр «Фарн».Йе ‘ххуысы хай бахаста Францы ирæтты ассоциаци «Алани» дæр. Конкурсы æппæт архайджытæ дæр хорзæхджын æрцыдысты зæрдылдарæн лæвæрттæй. «Ирон бæгæны-2019»-ы финал уыдзæн 4-æм октябры Дзæуджыхъæуы.