Уæрæсейы Федерацийы Президент Владимир Путин раарфæ кодта Республикæ Хуссар Ирыстоны Президент Бибылты Анатолийæн Стыр Фыдыбæстæйон хæсты Уæлахизыл 75 азы сæххæсты цытæн.
Арфæйы телы дзырдæуы:
«Цытджын Анатоли Ильяйы фырт!
Айс иууыл зæрдиагдæр арфæтæ Стыр Фыдыбæстæйон хæсты Уæ-лахизыл 75 азы сæххæсты цытæн!
9 майы ахсджиаг бон æнустæм фыст у нæ иумæйаг историйы. Уыцы бон мах бузныджы ныхæстæ æмæ сæрыстырдзинадимæ нæ зæрдыл дарæм, нацизмæй дуне чи бахъахъхъæдта, уыдоны рухс нæмттæ.
Ныфс мæ ис, æфсымæрон хæлардзинад, кæцы фидар æрцыд карз хæстон азты, дарддæр дæр кæй лæггад кæндзæн цæдисон уæрæсейаг-хуссарирыстойнаг ахастыты бындурон рæзтæн, кæй æххуыс кæндзæн иумæйагæй ныры дуджы тас-дзинæдты ныхмæ фæлæууынæн, уыцы нымæцы коронавирусы пандемийы ныхмæ дæр.
Курæг дæ дæн, цæмæй æппæт ветерантæ æмæ фæсчъылдымы фæллойгæнджытæн, кæцытæ цæрынц Республикæ Хуссар Ирыстоны, ракæнай æнæниздзинады, амонды, фæрныгады æмæ бирæ азты цæрæнбоны фæндиæгтимæ арфæтæ.
***
Стыр Фыдыбæстæйон хæсты Уæлахизы 75 азы сæххæсты цытæн Президент Бибылты Анатолийæн ма раарфæ кодтой: Приднестроваг-Молдаваг Республикæйы Президент Вадим Красносельский, Республикæ Арцахы Президент Бако Саакян, Республикæ Цæгат Ирыстон-Аланийы сæргълæууæг Битарты Вячеслав, Луганскы Адæмон Республикæйы сæргълæууæг Леонид Пасечник, До-нецкы Адæмон Республикæйы сæргълæууæг Денис Пушилин æмæ æндæртæ.
Comments are closed, but trackbacks and pingbacks are open.