Республикæ Хуссар Ирыстоны Президент фембæлд РХИ-йы Ахуырад æмæ зонады министр Гасситы Наталиимæ. Паддзахады сæргълæууæг уый номæй раарфæ кодта ахуыргæнджытæн сæ профессионалон бæрæгбон – Ахуыргæнæджы боны цытæн.
«Натали Константины чызг, абон у уæ профессионалон бæрæгбон. Æз дын зæрдиаг арфæ кæнын, дæ номæй та Республикæ Хуссар Ирыстоны æппæт ахуыргæнджытæн ацы нысаниуæгджыны боны цытæн. Мæнæн ма мæ зæрдыл лæууы чысылæй-иу ахуыргæнæджы цæстытæм куыд кастыстæм. Æмæ куыд фæндыйæ дæр, зонындзинæдтæ лæвар кæнгæйæ æви уай-дзæфгæнгæйæ ахуыргæнæджы ныхас махæн алыхатт дæр уыд кады бынаты. Ахуыргæнджытæ æцæгæй дæр сты уаз адæймæг-тæ, уыдон сæхи нывонд кæнынц, уымæн, цæмæй нæ сывæл-лæттæ райсой хорз хъомылад æмæ зонындзинæдтæ, уа сын царды бындур», – загъта Бибылты Анатоли.
Уый ма æрымысыд Хуссар Ирыстоны зын азтæ, ахуырадон процесс уазал хатæнты куы цыд, уый.
«Кæй зæгъын æй хъæуы, мах уыцы зын азтæ никуы ферох кæндзыстæм, ахуыргæнджытæ сæ хæдзæрттæй суг куы хастой, цæмæй кълæстæ уой хъарм. Мах никуы ферох кæндзыстæм уыдоны быхсындзинад, иууыл зындæр уавæрты нæ сывæллæты схъомыл кæнын æмæ зонындзинæд-тæ радтынмæ уыдон тырнындзинад. Уый кæй зæгъын æй хъæуы, стыр кад у», – банысан кодта Президент.
Ахуыргæнджытæн Бибылты Анатолийы цæст бауарзта хæр-зиуджытæ, бинонты фæрныгад æмæ скъоладзауты хуыздæртæ.
Comments are closed, but trackbacks and pingbacks are open.