Республикæ Хуссар Ирыстоны Президент Бибылты Анатоли визитимæ æрцыд Донецкы Адæмон Республикæмæ.  Донецкы  Адæмон Республикæйы  Фæсарæйнаг  хъуыддæгты министр Наталья Никонороваимæ уый бабæрæг кодта республикæйы фыццаг сæргълæууæг Александр Захарченкойы ингæн æмæ йæ номыл арæзт парк.

«Уый у ахæм адæймаджы мысынæн, кæцы йæ цард снывонд кодта æрмæст Донецкы Адæмон Республикæйæн нæ, фæлæ æппæт Донбассæн. Бузныг республикæйы къухдариуæгадæн, афтæ кæй лæггад кæнынц сæ фыццаг лидерæн. Уый ахсджиаг у фидæны фæлтæртæн дæр», – загъта Бибылты Анатоли.

Хуссарирыстойнаг паддзахады сæргълæууæг ма дидинджытæ сæвæрдта Донбассы хæсты фæмардуæвджыты цырты раз. Уый банысан кодта, зæгъгæ, хæсты зиæнттæ чи федта, куыд Хуссар Ирыстоны цæрджытæ дæр, хорз æмбарынц, сæ хъайтартæн чи нæ лæггад кæны, уыдонæн сомбон кæй нæй.

«Донецкы Адæмон Республикæйы адæм бирæ зындзинæдтæ бавзæрстой, бирæ æвзонг лæппутæ амард, æмæ уыцы фæмардуæвджыты рухс нæмттæ сты æвæджиаг. Æмæ акъоппыты цы лæппутæ бадынц, уыдонæн уый суыдзæн стыр разæнгарды фæрæз Райгуырæн зæхх бахъахъхъæныны хъуыддаджы», – загъта Бибылты Анатоли.

Банысан кæнын хъæуы уый, æмæ Хуссар Ирыстоны Президент Донецкмæ кæй æрцыд, цæмæй хайад райса Донецкы Адæмон Республикæйы ног сæвзæрст сæргълæууæг Денис Пушилины йæ бынатмæ бацæуыны церемонийы, кæцы уагъд æрцæудзæн 20 ноябры.

21 ноябры та Бибылты Анатоли хайад райсдзæн Луганскы Адæмон Республикæйы сæргълæууæг Леонид Пасечникы инаугурацийы.

Ацы æрмæджытæ дæр бакæс:

БИБЫЛТЫ Анатоли: «Хуссар Ирыстон æмæ Донецкы республикæтæ сæ ахастытæ аразынц æфсымæрдзинад æмæ кæрæдзийæн æххуысы бындурыл» Юбилейон мадзæлттæ, хъуыддагон фембæлдтытæ Default ThumbnailСæрибардзинадмæ зын фæндаг Бибылты Анатоли: Донецкы Адæмон Республикæ æмæ Ирыстоны ‘хсæн цæуынц арф интеграцион процесстæ Хуссар Ирыстон æмæ Донецкы Адæмон Республикæты ‘хсæн меморандумыл къухтæ æрфыстæуыд

Comments are closed, but trackbacks and pingbacks are open.