Республикæ Хуссар Ирыстоны Президент Бибылты Анатоли  хайад райста Донецкы Адæмон Республикæйы медиктæн Уæрæсейы Федерацийы дипломтæ дæттыны церемонийы.

Хуссарирыстойнаг паддзахады сæргълæууæг кусæгон балцы ис Донецкы.

Донецкы Адæмон Республикæйы æвзонг медиктæй æхсæзæй сæ зонындзинæдтæ бафидар кодтой  Цæгат Ирыстоны Паддзахадон медицинон академийы.

Цæгатирыстойнаг уæлдæр ахуыргæнæндæтты дипломтæ сын радтой Бибылты Анатоли æмæ Уæрæсейы Федерацийы Паддзахадон Думæйы депутат Тайсауты Хъазбег.

Республикæ Хуссар Ирыстоны Президент, дохтыртæн арфæ кæнгæйæ, ныфсимæ банысан кодта, зæгъгæ, сæ зонындзинæдтæ æмæ фæлтæрддзинад аккаг бынат ссардзысты царды æмæ сын радзырдта æмкуысткæнынады фæдыл планты тыххæй.

«Абон Донецкы Адæмон Республикæ æмæ Ирыстоны ‘хсæн цæуынц арф интеграцион процесстæ. Фæлæ сæйраг здæхтытæй иу у ахуырад. Ныртæккæ мах республикæйы сæргълæууæг Александр Захарченкоимæ фæнд кæнæм, цæмæй Хуссар Ирыстон æмæ Донецкы Адæмон Республикæйы дохтыртæ кæрæдзийæн бацамоной сæ фæлтæрддзинад», – загъта Президент.

Бибылты Анатоли фæнд кæны,  Донецкы Адæмон Республикæимæ экономикæйы, ахуырады, культурæйы фадгуыты ахастытæ райрæзын кæныны тыххæй Донецкы къорд фембæлды сорганизаци кæнын.

РХИ-йы Президенты пресс-службæ

Ацы æрмæджытæ дæр бакæс:

БИБЫЛТЫ Анатоли: «Хуссар Ирыстон æмæ Донецкы республикæтæ сæ ахастытæ аразынц æфсымæрдзинад æмæ кæрæдзийæн æххуысы бындурыл» РХИ-йы Президент Бибылты Анатолийы кусæгон визит Донецкы Адæмон Республикæмæ Хуссар Ирыстон æмæ Донецкы Адæмон Республикæты ‘хсæн меморандумыл къухтæ æрфыстæуыд Default ThumbnailРеспубликæ Хуссар Ирыстоны Парламенты Уынаффæ Хуссар Ирыстоны делегаци — Донецкы Адæмон РеспубликæйыХуссар Ирыстоны делегаци — Донецкы Адæмон Республикæйы

Comments are closed, but trackbacks and pingbacks are open.