3 июлы милицийы Фæндагон змæлды æдасдзинады инспекцийы управленийыл сæххæст 87 азы æмæ сæ профессионалон бæрæгбон банысан кодтой цытджын æгъдауæй. Рæнхъон скондæн управленийы кæрты уагъд æрцыд цытджын ралæуд. Ардæм сæм фæуазæг сты Мидхъуыддæгты министры хæдивджытæ Мамиты Эрислав, Лалыты Геннадий, Санахъоты Сослан æмæ ма ведомствойы æндæр бæрнон кусджытæ.
Райдианы æрæмбырдуæвджытæн арфæйы ныхæстæ загъта Мамиты Эрислав æмæ банысан кодта, зæгъгæ Фæндагон змæлды æдасдзинады инспектортæ стыр хайбавæрд хæссынц æхсæнады фæтк æрæвæрынмæ.
«Сымах æппынæдзух æххæст кæнут уæ службæйон хæстæ æмæ ма стыр æххуыс стут иннæ службæтæн дæр. Зæгъæм, криминалон милицийæн сымах куы нæ лæууиккат сæ фарсмæ, уæд сæ куысты фæстиуджытæ бирæ мæгуыраудæр уаиккой. Фыццаджыдæр мæ фæнды, цæмæй уын куысты рæстæджы адæмимæ æмбæлгæйæ уа быхсындзинад – æнæ уымæй нæй гæнæн æнтыстджын куыст бакæнын. Уый фæстæ та уын мæ зæрдæ зæгъы, цæмæй уæ зæрдæ райа уæ куыстæй дæр æмæ уæ бинонты цардæй дæр», – загъта йæ арфæйы ныхæстæ Министры фыццаг хæдивæг Мамиты Эрислав.
Арфæйы ныхæстæ сын загътой иннæ хистæртæ дæр. Йæ дæлбар кусджытæн раарфæ кодта управленийы сæргълæууæг Джеранты Хох дæр æмæ сæм æрсидт, цæмæй ноджы бангомдæр уой, кæрæдзийæн кад кæной æмæ уæд æнæмæнг куыст дæр фæстиуæгджын уыдзæнис.
Сæ службæйон хæстæ æмбæлонæй кæй æххæст кæнынц, уый фæдыл цалдæр инспекторы хорзæхджын æрцыдысты ведомствойон хорзæхтæй.
ДЖИОТЫ Алыксандр
Ацы æрмæджытæ дæр бакæс:
БАНЫСАН КОДТОЙ СÆ БÆРÆГБОН
ГАГЛОЙТЫ АЛАН: «ПАДДЗАХАДОН ÆДАСДЗИНАДЫ КОМИТЕТЫ РÆНХЪЫТЫ СЛУЖБÆ КÆНЫНЦ ÆЦÆГ ПАТРИОТТÆ, НАМЫС ÆМÆ БÆРНДЗИНАДЫ АДÆЙМÆГТÆ»
БАНЫСАН КОДТОЙ КАДДЖЫН БÆРÆГБОН
ФÆНДАДЖЫ ЗÆДТÆЙ ФÆДЗÆХСТ УТ, ÆДАСДЗИНАД ХЪАХЪХЪÆНДЖЫТÆ!
ФÆНДАГОН ЗМÆЛДЫ ФÆТКОЙТÆ ХЪАХЪХЪÆНЫН – АДÆЙМАДЖЫ ЦАРД БАХЪАХЪХЪÆНЫН
