Гаглойты Алан арфæйы фыстæг арвыста Александр Лукашенкомæ Республикæ Беларусы Хæдбардзинады боны цытæн.
Арфæйы фыстæджы дзырдæуы:
«Цытджын Александр Григорийы фырт!
Республикæ Хуссар Ирыстоны адæмы æмæ дæм сæрмагондæй мæхи номæй æрвитын зæрдиаг арфæтæ æмæ иууыл хуыздæр фæндиæгтæ уæ национ бæрæгбон – Республикæ Беларусы Хæдбардзинады боны цытæн.
1944 азы 3-æм июль æрмæст Беларусы адæмæн нæу нысаниуæгджын, фæлæ не ‘ппæтæн дæр. Уый у сæрибардзинады сæрыл, райгуырæн зæххыл цæрыны бары сæрыл немыцаг фашизмы ныхмæ хъæбатыр тохы историйы сыф.
Республикæ Беларусæн йæ къухы бафтыд стыр æнтыстытæ паддзахад фидар кæныны æмæ экономикон рæзты хъуыддаджы. Уæрæсеимæ Беларусы æнгом бастдзинадæн ис фидар бындур æнæхъæн Европæйы континентыл стабилондзинад æмæ кризистæ аиуварс кæныны тыххæй.
Цытджын Александр Григорийы фырт, зæрдиагæй дын мæ зæрдæ зæгъы фидар æнæниздзинад, æгæрон энерги, ног æнтыстытæ æмæ æппæт банысангонд пълæнтты реализаци, æппæт беусаг адæмæн та – сабырдзинад, фæрныгад æмæ дидинæфтыд!»
