Хуссар Ирыстоны 2008 азы августы цаутыл дзурæг киноныв ссис Казаны уагъдцæуæг патриотикон кино «Фыдыбæстæ хъахъхъæнджытæ-2020»-ы дунеон фестивалы финалист.

Киноныв «Выжить нельзя погибнуть» фестивалы тох кæндзæн номинаци «Æххæстметражон фильм»-ы фæуæлахиз уæвыныл.

«Конкурсы кæронбæттæн этап, пандемия кæй ис, уымæ гæсгæ уагъд цæудзæн онлайн форматы. Кинофестиваль уыдзæн 2020 азы 20-21 августы», – банысан кодтой йæ организатортæ.

Уæ зæрдыл уын лæууын кæнæм, киноныв «Выжить нельзя погибнуть» ист кæй æрцыд «драмæ» жанры 2019 азы. Йæ режиссер-æвæрæг у Цæлыккаты-Битарты Ангелинæ. Сценарийы автор та – Битарты Константин. Киноныв исыны хайад истой оператор-æвæрджытæ Мария Нашикина æмæ Мæхъиты Руслан, актертæ Тогойты Давид, Беслыхъоты Эльбрус, Битарты Александр, Сабанты Тамерлан, Битаты Роберт, Хъантемыраты Барис, Мамиты Гри, Лохты Олеся æмæ æндæртæ.

Ацы æрмæджытæ дæр бакæс:

Киноныв нымад æрцыд хуыздæрыл Хуынды гæххæттимæ – æхсæнадæмон фестивалмæ Чъорбаулийæ – стыр аивады бæрзæндтæм Аивады æвзонг курдиæтты фестиваль Default ThumbnailПатриотизмы уылæнтыл

Comments are closed, but trackbacks and pingbacks are open.