Суткæйы дæргъы цы 70 тесты ауагъдæуыд, уыдоны фæстиуджытæ сты æппæрццаг, ныр дыккаг къуыри Хуссар Ирыстоны коронавирусæй фæрынчыны цаутæ нæй. Уый тыххæй ИА «РЕС»-æн фехъусын кодта Хуссар Ирыстоны фæлхасадон хъусдарды сæргълæууæджы хæдивæг Гаглойты Аннæ.
Республикæйы ацы аз майæ фæстæмæ коронавирус рабæрæг кæныны тыххæй ауагъдæуыд 3545 тесты.
«Инфекцион хайады ис, лабораторон æгъдауæй COVID-19 кæмæн сбæлвырд, ахæм иу пациент – «сырх зонæйы» уæвæг медицинон хо, иннæты иууылдæр рафыстой», – загъта Гаглойты чызг.
Медицинон хъусдарды бын ис 150 адæймаджы, республикæйы медицинон уагдæтты сты 85 адæймаджы, инфекцион хайады та – 9 адæймаджы.
Майæ фæстæмæ æдæппæт рабæрæг 89 рынчыны коронавирусæй, уыдон иууылдæр уыдысты карантины медицинон уагдæтты, хицауады рдыгæй рæстæгыл райсгæ мадзæлтты фæстиуæгæн 88 сæнæниз сты æмæ сæ рафыстой медицинон уагдæттæй.
Республикæйы карантинон зонæнтæн рахицæн æрцыдысты Республикон бирæпрофилон медицинон центры хайадтæ, районон рынчындæттæ Дзау, Знауыр æмæ Ленингоры поселоктæ, раздæры гуырæн хæдзары бæстыхай æмæ уазæгдон «Алан».
Comments are closed, but trackbacks and pingbacks are open.