Уæрæсейы Федерацийы Президент Владимир Путин раарфæ кодта Республикæ Хуссар Ирыстоны Президент Бибылты Анатолийæн Республикæйы боны цытæн.
Арфæйы телы дзырдæуы:
«Цытджын Анатоли Ильяйы фырт!
Айс иууыл зæрдиагдæр арфæтæ национ бæрæгбон – Республикæйы боны цытæн.
Æртындæс азы размæ хуссар-ирыстойнаг адæм, хъæбатырæй зын фæлварæнтыл фæтых уæвгæйæ, бахъахъхъæдта йæ бар сæрибардзинад æмæ хæдбарзинадмæ.
Ныфс мæ ис, нæ бæстæты ‘хсæн ахастытæ дарддæр дæр кæй рæздзысты æмцæдис æмæ интеграцийы фæдыл бадзырдты бындурыл. Уæрæсе та йæхи фарсæрдыгæй дарддæр дæр æппæтварсонæй æххуыс кæндзæн Хуссар Ирыстоны актуалон социалон-экономикон фарстытæ скъуыддзаг кæныны, афтæ ма национ æдасдзинад сифтонг кæныны хъуыдаджы.
Мæ цæст дын уарзы, цытджын Анатоли Ильяйы фырт, фидар æнæниздзинад, æнтыстытæ дæ паддзахадон архайды, æппæт дæ æмзæххонтæн та – сабырад æмæ дидинæфтыд».
***
Республикæйы боны цытæн ма Президент Бибылты Анатолийæн раарфæ кодтой: Республикæ Арцахы Президент Араик Арутюнян, Приднестроваг Молдаваг Республикæйы Президент Вадим Красносельский, Уæрæсейы Федерацийы Президенты арæнгæрон æмгуыстады фæдыл Управленийы хистæр Алескей Филатов, Санкт-Петербургы губернатор Александр Беглов, горæт Элистайы администрацийы сæргълæууæг Дмитри Трапезников, Мæскуыйы горæты думæйы Сæрдар Алексей Шапошников.
Comments are closed, but trackbacks and pingbacks are open.