Арфæтæ Æхсардзинад æмæ адæмон иудзинады боны цытæн

Зынаргъ æмбæстæгтæ!

Абон мах нысан кæнæм нæ паддзахады ног историйы ахсджиаг бон – Хуссар Ирыстоны хъайтарон тохы  райдиан сæрибар æмæ хæдбардзинады сæраппонд.

29 азы размæ, 1989 азы 23 ноябры нæ фæсивæды чысыл къорд, кæцытимæ баиу сты Цхинвалы иннæ цæрджытæ дæр, фæлæууыдысты гуыдзийæгты бирæминон нео-нацистты ныхмæ æмæ сæ уды хъæддыхдзинадæй  фæстæмæ аздæхын кодтой. Уыдоны сгуыхтдзинад нæ адæмы зæрдæты баззайдзæн æнустæм.

Ацы æмбал кæмæн нæй, ахæм хъайтардзинады бон сси нæ адæмы консолидацийы символ нæ фыдæлты зæххыл цæрыны æмæ нæ хъысмæт бæрæг кæныны бары сæрыл гуырдзиаг национал-шовинисттимæ тохы..

Æмæ абоны бон нæ адæмы æнгом кæны Хуссар Ирыстоны тыхджын, дидинæфтаугæ паддзахад саразынмæ тырнындзинад. Республикæйы нысан у социалон-экономикон фадыг сног кæнын, дунейы нæ бæстæйы авторитет сфидар кæнын, демократон институттæ саразын. Æмæ нын уыцы хъуыддаджы ис егъау хъомысадал.

Зынаргъ хæлæрттæ! Ацы нысаниуæгджын бон уын мæ цæст уарзы, хæрзиуджытæ, дидинæфтыд  æмæ сабыр арвы бын царды фæндиæгтæ!

Республикæ Хуссар Ирыстоны Хицауады Сæрдар

ПУХАТЫ Эрик

***

Зынаргъ æмбæстæгтæ! Цытджын хæлæрттæ!

Республикæ Хуссар Ирыстоны Парламенты æмæ сæрмагондæй мæхи номæй уын арфæ кæнын Æхсардзинад æмæ адæмон иудзинады боны цытæн!

Ацы бон у нæ адæмы хъæбатыр тохы символ хæдбардзинад æмæ  хæдуагæвæрды бары сæраппонд. Мах нысан кæнæм 23 ноябры бон 1989 азы ноябры хабæртты мысынæн, гуырдзиаг гарзджын æнæформалты бирæминон æфсад Цхинвалмæ митинг уадзыны æфсон куы бырста æмæ  уыдон урæд куы æрцыдысты цалдæр цхинвайлаг лæппутты фæрцы. Уыцы бонæй райдыдта  Ирыстоны ног истори æмæ сси нæ адæмы ахсджиаг бон, уыцы зын рæстæджы æхсардзинад, хъæддыхдзинад æмæ равзæрст фæндагыл иузæрдиондзинад чи равдыста сæрибар æмæ хæдбардзинады сæраппонд. Æнгомдзинад æмæ Райгуырæн бæстæйы раз хæстыл æнувыддзинады фæрцы махæн уыцы азты бантыст уæлахиздзаутæ суæвын, 1990-2000 азты фыдæвзарæнты сæрты рахизгæйæ. Æмæ абон нæ адæмы иудзинад æмæ национ разыдзинад сты æнæмæнгхъæуæг Хуссар Ирыстоны царды æппæт фадгуыты стабилон æмæ хорз размæцыдæн.

Нæ республикæйы æппæт цæрджытæн мæ цæст уарзы фидар æнæниздзинад, циндзинад, фæрныгад, æнтыстытæ райгуырæн Ирыстоны хæрзиуæгæн.

 Республикæ Хуссар Ирыстон-Паддзахад Аланийы Парламенты Сæрдар Гасситы Петр